DEUTERONOMIO 7:13 - Dios Rimashcata Quillcashcami

¹³ Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

DEUTERONOMIO 7:13 ပူးပေါင်းရင်းမြစ်များ

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

JOB 42:12

Mandac Diosca Jobpac tucuri punzhacunapica punta bendiciashcata yallimi Jobmanca bendiciarca. Chaimantami paica chunga chuscu huaranga ovejata, sucta huaranga camellota, huaranga yunta huagrata, huaranga burrota charirca.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

SALMOS 146:8

Mandac Diosca mana ricuccunata ñahuita pascacmi. Mandac Diosca urmashcacunata jatarichicmi. Mandac Diosca cashcata ruhuaccunata cuyacmi.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

PROVERBIOS 15:9

Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

LEVÍTICO 26:9

Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

SAN JUAN 14:21

Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 16:27

ashtahuanpish ñuca Taitallatacmi cancunataca cuyan. Chaica, ñucata cuyashcamanta, ñuca Diosmanta shamushca cashcata crishcamantami chashna cuyan.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 13:17

Chaipi tiyashcacunataca Mandac Dios tucuchingapac chicanyachishca cashcamanta ama japinguichu. Chashna mana japicpimi, Mandac Diosca mana nina japiric shina mana piñanga. Shinallatac cancunapac taitacunata cuyashpa cusha nishcatapish pactachinga.

DEUTERONOMIO 28:1

Cunan ñuca huillashca mandashcacunata pactachingapac Mandac Dios tucui rimashcata uyacpica, paica cancunataca tucui llactacunamanta yalli ashtahuan jatun llactatami ruhuanga.

DEUTERONOMIO 28:11

Mandac Diosmi huahuacunatapish, animalcunatapish, chagracunatapish cancunapac taitacunaman cungapac ari nishca allpapica achcata bendicianga.

DEUTERONOMIO 30:5

Chashnami cancunapac ñaupa taitacuna japishca llactaman cutichimunga. Chai llactaca cancunapacmi canga. Chaipica, cancunaman allita ruhuashpami huahuacunatapish ñaupa taitacunamanta ashtahuan yallita mirachinga.

DEUTERONOMIO 7:7

Mandac Diosca mana shuctac llactacunamanta ashtahuan achca cashcamantachu acllarca. Ashtahuanpish cancunaca shuctac llactacunamanta ashtahuan uchillami canguichic.