DEUTERONOMIO 6:7 - Dios Rimashcata Quillcashcami

⁷ Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

DEUTERONOMIO 6:7 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

JOB 8:10

Paicunami cantaca yachachishpa sumacta rimanga. Paicunami ima shina causashcata achcata parlanga.

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 119:46

Ima shina causanata can yachachishcataca jatun mandaccunapac ñaupapimi huillasha. Shinallatac mana pingaichishcachu casha.

SALMOS 129:8

Ñanta pasaccunaca: «Mandac Diosca cancunata bendiciashca cachun. ¡Ñucanchicca Mandac Diospac shutipimi bendicianchic!» mana ningacunachu.

SALMOS 37:30

Cashcata ruhuac runaca alli yachashca rimaicunatami riman. Paipac calluca imapish cashcallatatacmi riman.

SALMOS 71:17

Sumac Dioslla, huambramanta pachami ñucataca yachachircangui. Chaimantami jatun mancharinacunata can ruhuashcataca huillacunilla.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 6:22

Chaicunaca can maita ricpipish allitami pushanga. Can sueñucucpipish cuidangami. Riccharicpipish cambac yuyaipimi rimacunga.

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

SAN MATEO 12:35

Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman.

SAN LUCAS 6:45

Alli runaca, shungupi alli yuyaiyuc cashcamantami allita riman. Mana alli runaca shungupi millai yuyai junda cashcamantami mana allita riman. Shungupi ima tiyashcatami shimica riman.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

COLOSENSES 4:6

Cancuna shuccunahuan parlanacushpapish, uyanalla sumac rimaicunahuan parlaichic. Paicuna imata tapucpipish, allita cutichinata yuyaichic.

1 PEDRO 3:15

Chaipac randica “Cristoca ñucanchic Mandacmi” nishpa, cancunapac shungupi alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.

RUT 2:4

Booz Belenmanta chayamushpami cebadata piticcunataca: —¡Mandac Dios cancunahuan cachun!— nirca. Shina nicpimi paicunaca: —¡Mandac Diosca cantapish bendiciachun!— nircacuna.

RUT 4:11

Shina nicpimi, pushac yuyaccunahuan chai pungupi tiyacuc gentecunaca: —Ari, ricunchicmi. Cambac huasiman yaicuc huarmitaca Raquel, Leata ayudashca shinallatac Mandac Dios ayudachun. Paicunamantami ñucanchic israelcunaca mirai callarishcanchic. ¡Canpish Efrata nishca Belén pueblopica alli nishca, tucuipac ricsishca causachunmi munanchic!