DEUTERONOMIO 6:6 - Dios Rimashcata Quillcashcami

⁶ Cai mandashcacunataca cancunapac yuyaipi alli huacaichinguichic.

DEUTERONOMIO 6:6 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

2 SAMUEL 22:23

Tucui pai yachachishcacunaca ñuca ñaupapimi carca. Paipac quillcashpa mandashcamantaca mana anchurircanichu.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 119:30

Mana llullashpa cantanatami acllarcani. Can mandashcacunataca punzhantami ñuca yuyaipi charini.

SALMOS 119:98

Can mandashcacunahuanmi ñucata piñaccunamanta yalli, ashtahuan yachacta ruhuashcangui. Can mandashcacunaca tucui causaipimi ñucapac can.

SALMOS 37:31

Paipac shungupica paipac Dios mandashcata yuyashpallami causan. Chaimantami paipac chaquica mana lluchcaringa.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

PROVERBIOS 3:5

Mandac Diostaca tucui shunguhuan cringui. Cambac yachaipica ama shunguta churanguichu.

PROVERBIOS 7:3

Chai yachachishcataca maqui dedopi huatashca shina, tablapi quillcashca shina shungupi charingui.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

SAN LUCAS 8:15

Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

DEUTERONOMIO 11:18

Ñuca yachachishcacunata cancunapac shungupi, cancunapac yuyaipi churaichic. Cai mandashcacunataca cancunapac maquipi, frentepi tucuipac ricuna cachun, huatashca shina apaichic.

DEUTERONOMIO 11:20

Huasi pilarcunapipish, llacta yaicuna pungucunapipish quillcanguichic.

DEUTERONOMIO 32:46

«Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.

2 JUAN 1:2

Chai cashcata nic huillashcaca ñucanchic shungupimi causacun. Chaica mana chingaringachu. Chaimantami cancunataca cuyani.