DEUTERONOMIO 6:3 - Dios Rimashcata Quillcashcami

³ Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

DEUTERONOMIO 6:3 ပူးပေါင်းရင်းမြစ်များ

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

SALMOS 119:4

Dioslla, canmi tucui mandashcacunata pactachichun mandarcangui.

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

ÉXODO 3:17

Ñucami cancunataca Egiptopi llaquita apacucpi, llucchishpa, lechepish, mishquipish achca tiyac, cananeocunapac, heteocunapac, amorreocunapac, ferezeocunapac, heveocunapac, jebuseocunapac llactaman pushamusha nircani’ ninmi” ningui.

ÉXODO 3:6

Ñucaca cambac taita Abrahampac, Isaacpac shinallatac Jacobopac Diosmi cani— nirca. Chaimantami Moisesca Diosta ricunata manchashpa paipac ñahuita taparirca.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

ECLESIASTÉS 8:12

Juchayuc runa patsac cutin millaita ruhuacpipish unaita causacpipish, ñucaca Diosta manchashpa, paipac ñaupapi allita causac runa alli llucshic cashcatami yachani.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

JEREMÍAS 42:6

Mandac Dios imatapish ruhuachun nishcataca alli canatapish, mana alli canatapish ruhuashunllami. Cantaca mañachunmi cachanchic. Chashna alli ruhuashpami alli causashun— nirca.

JEREMÍAS 7:23

Chaipac randica ñucaca: Cancunaca ñuca ima nishcata cazuichic. Cancuna cazucpica, cancunapac Diosmi casha. Cancunapish ñuca acllashcacunami canguichic. Ñuca mandashcacunata cazushpaca, allimi causanguichic nircani.

HECHOS 7:17

Dios Abrahamman llactata cungapac ari nishca punzhacuna pactamugricpimi, israelcunaca Egipto llactapi mirarishpa, achca tucurca.

DEUTERONOMIO 11:9

Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

DEUTERONOMIO 26:15

Can tiyacuc sumaimana jahua pachamanta can acllashca israelcunatapish, ñucanchic taitacunaman cungapac ari nishca allpatapish bendiciaiyari. Chai allpaca lechepish mishquipish yacu shina callpacucmi” ningui.

DEUTERONOMIO 26:9

Chashna caiman apamushpami lechepish, mishquipish yacu shina tiyac cai sumac llactata curca.

DEUTERONOMIO 27:3

Mandac Dios ñaupa taitacunaman cushami nishca llactaman yaicungapac pasashpaca cai mandashcacunata chai rumipi quillcanguichic. Chai llactaca lechepish, mishquipish yacu shina tiyac llactami.

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 4:6

Cai mandashcacunata cazunguichic. Chashna cazushpa causashpami cancunaca alli yuyaiyuccuna, alli yachaccuna canguichic. Chashna cacpimi, cai pachapi causaccunaca: “¡Cai gentecunaca alli yachac, alli yuyaiyuccunami!” ninga.

DEUTERONOMIO 8:8

Trigopish, cebadapish, uvaspish, higopish, granopish tiyac, sumac aceiteta cuc olivospish tiyac, sumac mishquicunapish tiyac llactatami cunga.