DEUTERONOMIO 6:24 - Dios Rimashcata Quillcashcami

²⁴ Mandac Diosmi cai mandashcacunata pactachichun, paita manchashpa causachun, Egipto llactamanta llucchimurca. Shina ruhuashpaca, tucui ñucanchic causaipi alli cachun, shinallatac cunancaman causacushca shina causachunmi mandarca.

DEUTERONOMIO 6:24 ပူးပေါင်းရင်းမြစ်များ

SALMOS 41:2

Mandac Diosca huacaichingami, causaitapish cungami. Allpa pachapica alli nishcami canga, millai gentecuna paicuna munashcata ruhuachunpish mana saquingachu.

SALMOS 41:3

Camapi nanaihuan cacpipish Mandac Diosmi cuidanga. Ungushca siricucpipish camataca ñutunllatami ruhuanga.

SALMOS 66:9

Paimi ñucanchic causaita cuidashpa, chaquicuna lluchcarichunpish mana saquirca.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

PROVERBIOS 22:4

Mandac Diosta manchashpa, mana jatun tucushpa causashpaca chayucyancunami, alli nishcapish tucuncunami. Shinallatac causaitapish charinmi.

PROVERBIOS 9:12

Yachaisapa cashpaca, chaica canllamantacmi alli canga. Burlashpa asic cashpaca, canllatacmi llaqui tucungui.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

JEREMÍAS 32:39

Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

SAN LUCAS 10:28

Shina nicpimi Jesusca: —Allitami ningui. Caicunata pactachishpaca, huiñai causaita charinguimi— nirca.

ROMANOS 10:5

Mandashcacunata pactachishpalla Dios chasquishca canamanta Moisés quillcashpaca: «Maijanpish mandashcacunata pactachicca, pai pactachishcamantami causanga» ninmi.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:4

Ashtahuanpish cancunaca, Mandac Diosta tucui shunguhuan catishcamantaca causacunguichicmi.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

DEUTERONOMIO 6:23

Ñucanchic taitacunaman cungapac ari nishca llactaman pushangapacmi llucchirca.

DEUTERONOMIO 8:1

Mandac Dios ñaupa taitacunaman cungapac ari nishca llactaman yaicushpa, achca tucushpa causangapacca cunan cancunaman mandashcacunata alli yuyarashpa cazunguichic.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.