DEUTERONOMIO 6:2 - Dios Rimashcata Quillcashcami

² Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

DEUTERONOMIO 6:2 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

1 REYES 8:40

Can shina ruhuacpimi, ñucanchic ñaupa taitacunaman can cushca llactapi causacushpaca, tucui causai punzhacunapi canta manchashpa causanga.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

SALMOS 91:16

Paimanca unai huatacunatami causachun saquisha. Paita quishpichishpami cushichisha» nirca.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

ÉXODO 20:20

Shina nicpimi Moisesca: —Ama manchaichicchu. Diosca cancuna paita manchac cashcata ricungapacmi shamurca. Paica cancuna punzhanta paita manchashpa, ama juchallichunmi munan— nirca.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 3:16

Alli maquipica unai huata causanatami charicun. Cutin lluqui maquipica charic tucunata, alli nishca canatami charicun.

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

JEREMÍAS 32:39

Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

EZEQUIEL 20:19

Ñucami Mandac Dios cani. Cancunaca, ñuca mandashcacunatapish, imata ruhuachun nishcacunatapish pactachishpa causaichic.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 11:9

Mandac Dios cancunapac taitacunamanpish, quipa huiñaicunamanpish cushami nishca lechepish, mishquipish callpacuc llactapi unaita causangapacca tucui mandashcacunatami pactachina canguichic.

DEUTERONOMIO 13:4

Mandac Diosllata catinguichic. Paita manchanguichic. Pai ima nishcata uyashpa, pai mandashcacunata pactachinguichic. Paillata servishpa catinguichic.

DEUTERONOMIO 15:5

Cunan ñuca mandashcata cancuna pactachingapac Mandac Dios rimashcata allita uyacpica,

DEUTERONOMIO 22:7

Unaita allita causangapacca, mamata richun saquishpa, huahuatami japina canguimi.

DEUTERONOMIO 30:19

Cunanmi cancuna llaquita apanata ricuchichun jahua pachatapish, cai pachatapish cayani. Cancunapac ñaupapimi causaitapish, huañuitapish, bendiciontapish, maldiciontapish acllachun ricuchini. Cancunapish, cancunapac huahuacunapish acllaichic.

DEUTERONOMIO 30:20

Mandac Dios nishcata uyashpa, pai munashca shina causaichic. Ñaupa taita Abrahamman, Isaacman, Jacoboman cungapac ari nishca llactapi unaita causangapacmi chashna cazuna canguichic. Chashna cazushpami causaita charinguichic» nirca.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

DEUTERONOMIO 6:24

Mandac Diosmi cai mandashcacunata pactachichun, paita manchashpa causachun, Egipto llactamanta llucchimurca. Shina ruhuashpaca, tucui ñucanchic causaipi alli cachun, shinallatac cunancaman causacushca shina causachunmi mandarca.

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

JOSUÉ 4:24

Cai pachapi tucui causaccuna Mandac Diosca imatapish ruhuaclla cashcata yachachun, shinallatac cancunapish cancunata Mandac Diosta tucui causaipi manchashpa causachunmi chashna ruhuarca” ninguichic» nirca.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.