DEUTERONOMIO 5:29 - Dios Rimashcata Quillcashcami

²⁹ ¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.

DEUTERONOMIO 5:29 ပူးပေါင်းရင်းမြစ်များ

1 CRÓNICAS 29:18

Ñucanchic ñaupa taita Abrahampac, Isaacpac, Israelpac Mandac Dioslla, cai alli yuyaicunataca can acllashcacunapac shungupi tucui munaihuan canta servichun huiñaita charingui. Canta yuyarishpa causachun paicunapac shungupi yuyachingui.

SALMOS 106:3

Maijanpish cashcata ruhuashpa, allita ruhuashpa causacca yallita cushicuchun.

SALMOS 19:11

Canta servic ñucaca chai shimicunahuanmi cunashca cani. Chaicunata cazucpica sumac japinami tiyan.

SALMOS 19:12

¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

SALMOS 78:7

Chashna yachashpa Diospi shunguta churachun. Dios ruhuashcacunata ama cungarishpa, pai mandashcacunata pactachichunmi mandarca.

SALMOS 81:16

Diosca ashtahuan alli trigotapish, rumipi tiyac bunga mishquitapish mana nictami caranman carca.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

JEREMÍAS 42:6

Mandac Dios imatapish ruhuachun nishcataca alli canatapish, mana alli canatapish ruhuashunllami. Cantaca mañachunmi cachanchic. Chashna alli ruhuashpami alli causashun— nirca.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SAN LUCAS 19:42

“¡Cai pueblopi causaccunalla! Cunan punzhallapish cushi causaimanta yachashpaca, allichari canguichicman, ashtahuanpish yuyai illac cashpami, mana entendinguichic.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

EFESIOS 6:3

Chashna cuyashpami, unai huatacunata cai pachapica cushilla causangui» ninmi.

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 11:1

Cancuna Mandac Diosta cuyanguichic. Pai mandashcacunata, pactachinacunata, yachachishcacunata punzhanta cazunguichic.

DEUTERONOMIO 12:25

Cancunapish, cancunapac quipa huiñaicunapish allita causangapacca, mana chaicunata micunachu canguichic. Mandac Diospac ñaupapi allita ruhuashpa causanguichic.

DEUTERONOMIO 12:28

Mandac Diospac ñaupapi cashcata ruhuangapacca, tucui ñuca mandashcacunata yuyarashpa cazunguichic. Chashnami cancunapish, cancunapac huahuacunapish huiñaita allita causanguichic.

DEUTERONOMIO 19:13

Chai runataca ama llaquinguichicchu. Chashna ruhuacpimi, israelpurapica manapish faltayucpac yahuarta jichacca mana tiyanga. Shinallatac cancunapish allita causanguichic.

DEUTERONOMIO 22:7

Unaita allita causangapacca, mamata richun saquishpa, huahuatami japina canguimi.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 4:2

Cai ñuca mandashcacunataca ama yapachinguichicchu, ama anchuchinguichicchu. Ñuca yachachishca, Mandac Dios mandashcacunataca cazushpa causanguichic.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

DEUTERONOMIO 5:30

Cunanca paicunata carpa huasiman cutichi cachashpa,

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

DEUTERONOMIO 6:18

Cancunapac taitacunaman cushami nishpa ari nishca llactata japishpa, alli causangapacca Mandac Diospac ñaupapi imatapish allita, cashcata ruhuashpa causanguichic.

DEUTERONOMIO 6:3

Israelcunalla uyaichicyari. Lechepish, mishquipish yacu shina callpacuc llactapi tucui imata cancuna ruhuashca alli llucshichunca caicunata yuyarashpami, pactachina canguichic. Chashnami ñaupa cancunapac taitacunaman Mandac Dios nishca shina achca tucushpa causanguichic.

DEUTERONOMIO 8:6

Mandac Dios mandashcata cazushpa, pai munashca shina paipac ñaupapi, paita manchanguichic.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

RUT 3:1

Shuc punzhami Rutpac suegra Noemica: —Ñuca huahualla, can alli causachunca, ¿manachu canman cusata mashcana cani?