DEUTERONOMIO 5:24 - Dios Rimashcata Quillcashcami

²⁴ Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

DEUTERONOMIO 5:24 ပူးပေါင်းရင်းမြစ်များ

GÉNESIS 32:30

Chaimantami Jacoboca chai pambataca: «Diosta ñahui ñahui ricurcani, ñuca almatapish cacharichircami» nishpami «Penielta» shutichirca.

GÉNESIS 32:31

Jacoboca ña inti llucshimucucpimi, Peniel pambamantaca pasarca. Paica changa mucu nanaihuan cashpami, suchu suchulla ricurca.

ÉXODO 19:19

Cornetapi tocashcaca ashtahuan sinchitami uyarishpa catirca. Moisés Dios-huan parlacpica, relampa tulun nicuc shinami, rimashpa cutichirca.

ÉXODO 20:22

Mandac Diosca Moisestaca: «Israelcunataca: “Jahua pachamanta ñuca shamushpa, cancunahuan parlashcatami ricushcanguichic.

ÉXODO 33:20

Shina cacpipish, ñucapac ñahuitaca mana ricui pudinguichu. Maijanpish ñucapac ñahuita ricushpaca, mana causangachu— nirca.

NÚMEROS 14:14

Canaán llactapi causaccunaman huillangami. Chai llactapi causaccunaca can Mandac Dios pushacushcata, paicuna canta ñahui ñahui ricucushcatapish, punzhaca puyupi, tutaca ninahuan achicyachishpa pushacushcatami yachancuna.

DEUTERONOMIO 32:3

Mandac Diospac shutitami alli nisha. ¡Ñucanchic Diosca jatunmi!

DEUTERONOMIO 4:33

¿Shuc llactapi causaccunaca nina chaupimanta Dios rimashcata cancuna uyashca shina uyashpapish causashpa caticca tiyangachu?

DEUTERONOMIO 5:23

Cancunaca urcupi nina rupacuctapish ricurcanguichicmi. Puyu chaupimanta rimashcatapish uyarcanguichicmi. Chai quipami tucui aillucunata pushaccunapish, pushac yuyaccunapish ñucapacman cuchuyarcanguichic.

DEUTERONOMIO 5:25

Shina cashpapish, cai ninapi rupashpa, mana huañushun ninchicchu. Cutinllatac ñucanchicta Mandac Dios rimashcata uyashpaca huañushunmi.

JUECES 13:22

Shina yachashpami Manoaca paipac huarmitaca: —¡Ñucanchicca Diostami ricushcanchic. Cunanca huañushunmi!— nirca.