DEUTERONOMIO 5:23 - Dios Rimashcata Quillcashcami

²³ Cancunaca urcupi nina rupacuctapish ricurcanguichicmi. Puyu chaupimanta rimashcatapish uyarcanguichicmi. Chai quipami tucui aillucunata pushaccunapish, pushac yuyaccunapish ñucapacman cuchuyarcanguichic.

DEUTERONOMIO 5:23 ပူးပေါင်းရင်းမြစ်များ

DEUTERONOMIO 18:16

Mandac Diosca cancuna Horeb urcupi paita mañashpa: “Mandac Dios rimashcata mana uyasha ninchicchu. Cai jatun ninatapish mana ashtahuan ricusha ninchicchu, huañushunmi” nishca shinami ruhuanga. Chaipica tucui gentecunami tandanacushca carca.

DEUTERONOMIO 5:22

Cai mandashcacunataca cancuna urcupi tandanacushca cacpimi, Mandac Diosca pura puyu nina chaupimanta sinchita rimarca. Chai quipaca, imatapish mana ashtahuan rimashpami ishcai tabla rumipi quillcashpa ñucaman curca.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

DEUTERONOMIO 9:15

Chai rupacuc urcumantaca cancunahuan ari nishca quillcashca ishcai rumita maquipi apashpami cutircani.