DEUTERONOMIO 5:14 - Dios Rimashcata Quillcashcami

¹⁴ Ashtahuanpish canchisniqui punzhaca Mandac Dios ñucapaclla chicanyachishca samana punzhami. Chai punzhapi can shina canta servic caripish, servic huarmipish samarichunca, cambac churipish, ushipish, cambac huasipi causac shuctac llacta runapish imata ama ruhuanachu canguichic. Shinallatac cambac huagratapish, burrotapish, shuctac animalcunatapish ama imata ruhuachinguichu.

DEUTERONOMIO 5:14 ပူးပေါင်းရင်းမြစ်များ

GÉNESIS 2:2

Diosca pai ruhuana cashcataca canchis punzhapimi tucuchirca. Tucuita ruhuashpaca, canchisniqui punzhapica samarircami.

NEHEMÍAS 13:15

Chai punzhacunallatacmi Judá llactapica samana punzhapi uvasta cutacucta, gavillata ashtacucta, shinallatac vinota, uvasta, higota, ima cargacunatapish burropi cargashpa Jerusalenman apacucta maijancunataca ricurcani. Chashna samana punzhapi catucushcamantami sinchita rimarcani.

NEHEMÍAS 13:16

Shinallatac Tiro pueblomanta shamushpa Jerusalenpi causaccunami samana punzhapi challuacunata, ima catunacunata Jerusalenman apamushpa, Judá runacunaman caturcacuna.

NEHEMÍAS 13:21

Chaimantami paicunataca: «¿Ima nishpatac cai pirca huashapi pacaricunguichic? ¡Cutin caillapitac shayacucta ricushpaca prezushami!» nircani. Chaimanta pachami samana punzhapica mana ricurircacuna.

NEHEMÍAS 5:5

Ñucanchic huauquicuna shinallatac cashpapish, ñucanchic huahuacunapish cancunapac huahuacuna shina cacpipish ñucanchic churicunata, ushicunatami catushca shina, servishpa causachun catushcanchic. Ñucanchic ushicunamanta maijancunaca ñami catushca shina servicun. Allpacunapish, uvas chagracunapish, ña shuccunapac cashcamantami ñucanchic ushicunataca cutin randishpa mana cutichimui pudinchic» nircacuna.

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

MARCOS 2:27

Cutinllatacmi Jesusca: —Samana punzhataca, gentecunapac allipacmi churarca. Runataca mana samana punzhapac allipacchu Diosca churarca.

SAN LUCAS 23:56

Chai huarmicuna huasiman cutimushpaca, mishquilla ashnacuctami Jesuspac cuerpopi churangapac allichirca. Samana punzha chayamucpica, Dios mandashca shinami samarirca.

DEUTERONOMIO 5:13

Sucta punzhata trabajangui. Chai punzhacunapi imatapish ruhuangui.

HEBREOS 4:4

Dios quillcachishcapica samarina punzhamantaca: “Diosca tucuita ruhuashca quipaca, canchis punzhapica samarircami” ninmi.