DEUTERONOMIO 5:12 - Dios Rimashcata Quillcashcami

¹² Mandac Dios ñuca mandashca shina ñucapaclla samana punzhata yuyaringui.

DEUTERONOMIO 5:12 ပူးပေါင်းရင်းမြစ်များ

NEHEMÍAS 13:15

Chai punzhacunallatacmi Judá llactapica samana punzhapi uvasta cutacucta, gavillata ashtacucta, shinallatac vinota, uvasta, higota, ima cargacunatapish burropi cargashpa Jerusalenman apacucta maijancunataca ricurcani. Chashna samana punzhapi catucushcamantami sinchita rimarcani.

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ÉXODO 16:30

Shinami israelcunaca canchisniqui punzhapica samarirca.

ÉXODO 31:13

«Israelcunataca: “Cancunaca samana punzhata huacaichinguichic. Chai punzhataca tucui huahua huahuacunami huacaichina can. Chashnami ñucataca Mandac Dios cashcatapish, chai punzha ñucapaclla cashcatapish yachangacuna.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

ISAÍAS 56:6

Caru llacta runacunapac churicuna Mandac Dios ñucata servingapac, ñuca shutita cuyashpa ñucata servingapac shamucpi, shinallatac samana punzhata mana yangapi churashpa, ñuca ari nishcatapish ucllaric shina, chai yuyailla causacpica,

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

JEREMÍAS 17:22

Samana punzhapica cancunapac huasimantaca ama imata llucchichicchu. Imatapish ama ruhuaichicchu. Ashtahuanpish cancunapac ñaupa taitacunata mandashca shina, samana punzhataca ñucapaclla cachun chicanyachichic nishpa mandarcani.

MARCOS 2:27

Cutinllatacmi Jesusca: —Samana punzhataca, gentecunapac allipacmi churarca. Runataca mana samana punzhapac allipacchu Diosca churarca.

DEUTERONOMIO 5:13

Sucta punzhata trabajangui. Chai punzhacunapi imatapish ruhuangui.