DEUTERONOMIO 5:1 - Dios Rimashcata Quillcashcami

¹ Moisés israelcunata cayashpaca: «Tucui israelcuna, cunan ñuca cancunaman huillashca mandashcacunatapish, yachachishcacunatapish allita uyaichic. Caitaca allita yachacushpa, pactachishpa causaichic.

DEUTERONOMIO 5:1 ပူးပေါင်းရင်းမြစ်များ

SALMOS 78:7

Chashna yachashpa Diospi shunguta churachun. Dios ruhuashcacunata ama cungarishpa, pai mandashcacunata pactachichunmi mandarca.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 18:20

Dios mandashcacunatapish, pai yachachishcacunatapish yachachishpa, ima shina causanata shinallatac imata ruhuanata yachachi.

SAN MATEO 23:3

Chaimanta tucui paicuna mandashcata cazunguichic. Ashtahuanpish ama paicuna ruhuashcata catinguichicchu. Paicunaca yachachishpapish, mana chai yachachishca shina causancunachu.

DEUTERONOMIO 1:1

Cai quillcashcapica Moisesmi Puca Cucha, Jordán yacu chimba ladopi cac shitashca pamba Arabapi tucui israelcunaman huillarca. Chai pamba muyundipica Parán, Tofel, Labán, Hazerot, Di-zahab llactacunami carca.

DEUTERONOMIO 11:1

Cancuna Mandac Diosta cuyanguichic. Pai mandashcacunata, pactachinacunata, yachachishcacunata punzhanta cazunguichic.

DEUTERONOMIO 12:1

Ñaupa taitacunata Mandac Dios cushca llactata japishpa, huiñaita causangapacca pai mandashcacunatapish, yachachishcacunatapish cazushpa causanguichic.

DEUTERONOMIO 17:19

Cai quillcashcataca punzhantami maquipi apashpa, rezana can. Chashna ruhuacpimi, cai libropi quillcachishcacunatapish, yachachishcacunatapish cazushpa, Mandac Diosta manchanata yachacunga.

DEUTERONOMIO 28:15

Mandac Dios rimashcata mana uyashpa, cunan ñuca huillashca mandashcacunatapish, pactachinacunatapish mana cazucpica, llaquicunami shamunga.

DEUTERONOMIO 29:10

Cunanca, tucui cancunami Mandac Diospac ñaupapi canguichic. Aillucunata mandaccunapish, pushac yuyaccunapish, caishuc mandaccunapish, tucui israelcunapish caipimi canguichic.

DEUTERONOMIO 29:2

Chaimanta Moisés tucui israelcunata cayashpaca: «Egipto llactapi Faraontapish, tucui paita serviccunatapish, chaipi causaccunatapish, cancunapac ñaupapi Mandac Dios imata ruhuashcataca cancunapac ñahuihuanmi ricurcanguichic.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:49

Jordán yacumanta inti llucshina ladoman tiyac Arabá shuti tucui llactatapish Pisga urcu chaquiman cac Arabá yacu patacamanmi japirca.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

DEUTERONOMIO 5:2

Ñucanchicta Mandac Diosca Horeb urcupimi ñucanchic-huan ari ninacurca.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

JOSUÉ 1:8

Mandashcacunata quillcashca libropi tucui nishcacunata pactachingapacca tutapish, punzhapish yuyaricunguilla. Amatac saquinguichu. Chashna ruhuacpimi, tucui can ruhuashcacunaca alli llucshinga, shinallatac allita causangui.