DEUTERONOMIO 4:9 - Dios Rimashcata Quillcashcami

⁹ Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 4:9 ပူးပေါင်းရင်းမြစ်များ

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

ÉXODO 23:13

Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

PROVERBIOS 1:8

«Ñuca huahualla, alli causachun cambac taita rimashcataca alli uyangui. Alli causachun cambac mama yachachishcataca ama cungaringuichu.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

PROVERBIOS 3:21

Ñuca huahualla, caicunataca yuyarangui. Mandashcatapish, cunashcacunatapish ama cungaringuichu.

PROVERBIOS 7:1

Ñuca huahualla, ñuca yuyaita cushpa rimashcacunata cazushpa causangui. Ñuca mandashcacunataca valishcata shina yuyaipi charingui.

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

ISAÍAS 42:20

Paicuna imata ricushpapish mana yuyarinchu. Ringrita charishpapish mana uyancunachu.

JEREMÍAS 17:21

Mandac Diosca: Cancunallatac llaquirichicyari. Samana punzhapica Jerusalén pungucunata ama imata apashpa yaicuichicchu.

SAN LUCAS 8:18

Chaimanta cai uyashcata alli yuyarichic. Maijanpish alli yuyaita chariccunamanca ashtahuanmi cushca canga. Mana charicmantaca, pai charinimi nishcatapish quichushcami canga— nirca.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

DEUTERONOMIO 12:1

Ñaupa taitacunata Mandac Dios cushca llactata japishpa, huiñaita causangapacca pai mandashcacunatapish, yachachishcacunatapish cazushpa causanguichic.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.

DEUTERONOMIO 17:19

Cai quillcashcataca punzhantami maquipi apashpa, rezana can. Chashna ruhuacpimi, cai libropi quillcachishcacunatapish, yachachishcacunatapish cazushpa, Mandac Diosta manchanata yachacunga.

DEUTERONOMIO 29:29

Imapish pacallacunaca ñucanchic Mandac Diospacmi. Ashtahuanpish cai ricuchishcacunaca ñucanchicpacpish, ñucanchic huahua huahuacunapacpishmi can. Cai mandashcacunapi tucui nishcacunatami huiñaita pactachina canchic.

DEUTERONOMIO 31:19

Cunanca, cai cantota quillcashpa israelcuna cantachun yachachi. Cai cantollatacmi israelcuna llaquita apanatapish ricuchinga.

DEUTERONOMIO 32:46

«Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 4:15

Cancunaca Horeb urcupi nina chaupimanta Mandac Dios rimacucpica, imata mana ricurcanguichicchu. Chaimanta cancunallatac allita cuidarichic.

DEUTERONOMIO 4:23

Chaiman chayashpaca, pacta Mandac Dios cancunahuan ari nishcata cungarishpa, imaman riccha shuctac dioscunata ruhuanguichicman. Chaicunataca Mandac Diosca ama ruhuachun nircami.

DEUTERONOMIO 6:12

Egipto llactapi cancuna huatashca shina causacushcamanta llucchic Mandac Diosta pacta cungaringuichicman.

DEUTERONOMIO 6:2

Canpish, cambac huahuacunapish, nietocunapish canta Mandac Diosta manchachunmi yachachini. Unaita causangapacca tucui punzhacunami cai mandashcacunata yuyarashpa, cazuna canguichic.

DEUTERONOMIO 6:20

Caya mincha cancunapac huahuacuna: “Mandac Dios mandashca pactachinacunapish, pactachinacunapish, yachachishcacunapish, ¿imatatac nisha nin?” nishpa tapucpica,

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.

DEUTERONOMIO 8:11

Cunan ñuca mandashcacunatapish, pactachinacunatapish, yachachishcacunatapish mana cazushpa, pacta canta Mandac Diosta cungaringuichicman.

DEUTERONOMIO 8:14

Shungupi jatun tucushpa, Mandac Diosta pacta cungaringuichicman. Paimi Egipto llactapi huatashca shina causacucmanta llucchirca.

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

SANTIAGO 2:22

Chashnami crishcaca imatapish allita ruhuashcahuan pacta can. Pai crishpa allita ruhuacpimi, ashtahuan alli cashcata ricunchic.

JOSUÉ 1:18

Maijanpish can mandashcata mana cazushpa, cariyacca huañunami can. ¡Ama manchaichu, sinchi cailla!— nirca.

JOSUÉ 23:11

Chaimanta cancunallatac allita cuidarichic. Cancunata Mandac Diosta cuyangapac sinchiyashpa, tucui almahuan cazuichic.

JOSUÉ 4:21

Chashna shayachishpami, Josueca israelcunataca: «Quipa punzhacuna cancunapac churicuna: “¿Cai rumicunaca imatatac nisha nin?” nishpa tapucpica:

APOCALIPSIS 3:3

Callaripi ima shina yachacushcata, uyashcata cazushpa, Diosman cutirishpa catirai. Can mana chashna ruhuacpica can mana yuyashca horasmi shuhua shina cambacman shamusha.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.

JUECES 8:34

Israelcunaca paicunapac muyundipi causac piñac gentecunapac maquimanta Mandac Dios quishpichishcataca mana yuyarircacunachu.