DEUTERONOMIO 4:5 - Dios Rimashcata Quillcashcami

⁵ Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

DEUTERONOMIO 4:5 ပူးပေါင်းရင်းမြစ်များ

SALMOS 71:17

Sumac Dioslla, huambramanta pachami ñucataca yachachircangui. Chaimantami jatun mancharinacunata can ruhuashcataca huillacunilla.

ÉXODO 18:20

Dios mandashcacunatapish, pai yachachishcacunatapish yachachishpa, ima shina causanata shinallatac imata ruhuanata yachachi.

JEREMÍAS 11:6

Shina nicpimi, Mandac Diosca: «Cai rimashcataca Judá llactapi tiyac llactacunapi, Jerusalén ñancunapi huillashpa: “Cai ari nishcata pactachichic.

EZEQUIEL 20:11

Chaipimi paicunaman ñuca rimashcacunatapish, mandashcacunatapish ricsichircani. Chaicunata pactachishpaca causangami.

LEVÍTICO 19:19

Ñuca mandashcacunata cazungui. Cambac animalcunata ama chican animalhuan chayachinguichu. Cambac allpapipish ama tucuilaya muyucunata chapushpa tarpunguichu. Tucuilaya puchcahuan ahuashca churanatapish ama churaringuichu.

LEVÍTICO 26:46

Mandac Diosca tucui pai quillcachishcacunatapish, mandashcacunatapish, yachachishcacunatapish, Moisespish, israelcunapish pactachina cashcata huillachunmi Sinaí urcupi Moisesman curca.

LEVÍTICO 27:34

Diosca tucui cai mandashcacunatami israelcunaman yachachichun, Sinaí urcupi Moisesman huillarca.

LEVÍTICO 7:38

Tucui cai mandashcacunataca Sinaí urcupimi Mandac Diosca Moisesman huillarca. Israelcuna shitashca pambapi Diosman cuchunmi chashna mandarca.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

HECHOS 20:27

Chaica, Dios huillachun nishcataca, mana pacashpami tucui huillarcani.

1 CORINTIOS 11:28

Chaimantami manarac micushpa, manarac ubiashpa, quiquin ima shina cashcatarac yuyarina can.

1 CORINTIOS 15:3

Puntaca ñuca ima shina chasquishca shinami, cancunamanca yachachircani. Dios quillcachishcapi nishca shinami, Cristoca ñucanchic juchacunamanta huañurca.

DEUTERONOMIO 11:32

Chaipica cunan cancunaman yachachishca mandashcacunatapish, pactachinacunatapish tucuita cazushpa causanguichic.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:2

Cai ñuca mandashcacunataca ama yapachinguichicchu, ama anchuchinguichicchu. Ñuca yachachishca, Mandac Dios mandashcacunataca cazushpa causanguichic.

DEUTERONOMIO 4:4

Ashtahuanpish cancunaca, Mandac Diosta tucui shunguhuan catishcamantaca causacunguichicmi.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 5:1

Moisés israelcunata cayashpaca: «Tucui israelcuna, cunan ñuca cancunaman huillashca mandashcacunatapish, yachachishcacunatapish allita uyaichic. Caitaca allita yachacushpa, pactachishpa causaichic.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

DEUTERONOMIO 7:11

Chaimanta mandashcacunatapish, pactachinacunatapish, yachachishcacunatapish yuyarashpa cazunguichic.

DEUTERONOMIO 8:11

Cunan ñuca mandashcacunatapish, pactachinacunatapish, yachachishcacunatapish mana cazushpa, pacta canta Mandac Diosta cungaringuichicman.

HEBREOS 3:5

Moisesca Diospac huasipi tucuita cazuc servicmi carca. Chai shina ruhuashpami, Dios quipaman huillana cashcata ricuchicurca.