DEUTERONOMIO 4:45 - Dios Rimashcata Quillcashcami

⁴⁵ Egipto llactamanta israelcuna llucshishca quipa Moisés paicunaman huillashca mandashcacuna, pactachinacuna, ima shina causanata yachachishcacunaca caicunami.

DEUTERONOMIO 4:45 ပူးပေါင်းရင်းမြစ်များ

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 119:14

Ima shina causanata can yachachishcata yachacushpaca tucui charishcacunamanta yallimi cushicurcani.

SALMOS 119:2

Ima shina causanata yachachishcata pactachingapac tucui shunguhuan mashcaccunaca maimi cushicun.

SALMOS 119:22

Ñucaca ima shina causachun can yachachishcacunatami cazurcani. Chaimanta pita mana valichishpa, yangapi churashpa rimana yuyaita ñucamanta anchuchiyari.

SALMOS 119:24

Ima shina causanata can yachachishcacunaca cushichinmi, shinallatac alli yuyaitapish cunmi.

SALMOS 119:5

¡Mandashcacunata pactachingapac ñuca causai alli cashpachari alli caiman!

SALMOS 119:7

Cashcata ruhuac cambac shimicunata yachacushpaca, tucui shunguhuanmi canta alabasha.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:44

Cai mandashcacunatami Moisesca israelcunamanca huillarca.

DEUTERONOMIO 4:46

Caitaca Jordán yacumanta inti llucshina shuctac ladoman cac Bet-peor chimba lado pugru pambapimi yachachirca. Chai llactataca Hesbonpi causac amorreocunata mandac Sehonmi mandacurca. Chai mandactaca Moisesmi israelcunahuan Egiptomanta llucchimushca quipa huañuchirca.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

DEUTERONOMIO 6:20

Caya mincha cancunapac huahuacuna: “Mandac Dios mandashca pactachinacunapish, pactachinacunapish, yachachishcacunapish, ¿imatatac nisha nin?” nishpa tapucpica,