DEUTERONOMIO 4:43 - Dios Rimashcata Quillcashcami

⁴³ Rubenpac aillumanca shitashca Beser pugru pambatami chicanyachirca. Galaadpac aillumanca Galaad llactapi tiyac Ramot llactatami chicanyachirca. Cutin Manasés aillumanca Basán llactapi tiyac Golán llactatami chicanyachirca.

DEUTERONOMIO 4:43 ပူးပေါင်းရင်းမြစ်များ

1 REYES 4:13

Geberpac churica Galaad llactapi cac Ramot pueblotami mandacurca. Shinallatac Galaad llactapi cac Manasespac churi Jair ruhuachishca pueblocunatapish mandacurcami. Shinallatac Basán llactapi tiyac Argob llactatapish mandacurcami. Chai llactaca muyundita jarcashca sucta chunga jatun pueblocunami carca. Chai pueblopac pungucunaca bronce aldabacunahuanmi carca.

1 CRÓNICAS 6:63

Meraripac huahua huahuacunamanca mashna familiacuna cashca shinallatacmi Rubenpac, Gadpac, Zabulonpac aillucunapac llactacunapi chunga ishcai pueblocunata curca.

1 CRÓNICAS 6:66

Cohatpac maijan huasi ucu familiacunamanca Efraín aillupac llacta pueblocunatami muyundi pambacunandi curca.

1 CRÓNICAS 6:71

Gersonpac huahua huahuacunamanca Manasespac chaupi aillupac Basán llactapimi Golán, Astarot pueblocunata muyundi michina pambacunandi curca.

1 CRÓNICAS 6:80

Gad aillupac llactapica Galaad llactapi cac Ramot, Mahanaim,

DEUTERONOMIO 4:42

Chai llactacunataca maijanpish mana huañuchina munaihuan cashpa, huañuchishpa, chai maijan llactacunapi miticugrichunmi chicanyachirca.

DEUTERONOMIO 4:44

Cai mandashcacunatami Moisesca israelcunamanca huillarca.

JOSUÉ 20:8

Jordán yacu chimba ladoman, Jericó pueblomanta inti llucshina ladomanca Rubenpac aillucunapac shitashca urcu pambapi cac Beser pueblota, Gad aillupac Galaad llactapi cac Ramot pueblota, Manasés aillupac Basán llactapi cac Golán pueblotami acllarca.

JOSUÉ 21:27

Gersonpac churi levitacunamanca Manasespac chaupi aillupac Basán llactamantami Golán pueblota michina pambacunandi curca. Shinallatac huañuchishpa miticuna pueblotapish curcami. Beestera pueblotapish michina pambacunandimi curca.

JOSUÉ 21:36

Rubén aillupac llactamantaca Beser, Jahaza pueblocunata michina pambacunandi,

JOSUÉ 21:38

Gad aillupac llactamantaca Galaadpi tiyac Ramot pueblota, huañuchishpa miticuna Mahanaim pueblota michina pambacunandi,