DEUTERONOMIO 4:19 - Dios Rimashcata Quillcashcami

¹⁹ Pacta jahua cielota ricushpa, intita, quillata, lucerocunata, tucui jahua cielopi tiyashcata ricushpa cungurishpa adoranguichicman. Chaicunataca Mandac Diosmi tucui cai pachata achicyachichun ruhuarca.

DEUTERONOMIO 4:19 ပူးပေါင်းရင်းမြစ်များ

GÉNESIS 1:14

Chai quipami Diosca: «Punzhacunapish, huatacunapish tiyashcata yachangapac tutahuan punzhahuan chicanyachic achicyachiccuna tiyachun.

GÉNESIS 2:1

Diosca jahua pachatapish, cai pachatapish, chaipi tucui imalla tiyashcatapish ruhuanataca tucuchircami.

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

2 REYES 21:3

Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

2 REYES 23:11

Judá llactata jatun mandaccuna intiman cushpa, Mandac Diospac huasi yaicuna pungu ladopi churashca caballocunatapish urmachircami. Chaicunaca michina pambacunata cuidac eunuco Natan-melec runa tiyacuc huasi ladopimi carca. Intiman cushca carretacunatapish rupachircami.

2 CRÓNICAS 33:3

Paipac taita Ezequías tigrachishca lomacunapi tiyac altarcunatapish cutin shayachishpami, Baal dioscunaman altarcunata ruhuarca. Asera huarmi diosta yuyarina yuratapish ruhuarcami. Jahuapi tucui ima tiyaccunatapish alli nishpami mañarca.

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

SALMOS 19:3

Ima rimashca shimicunapish, pi rimashcapish mana uyarinchu.

JEREMÍAS 19:13

Jerusalenpi tiyac huasi jahuacunapipish, Judá llactata jatun mandaccunapac huasi jahuacunapipish jahua pachapi tiyac lucerocunamanmi inciensota cushnichirca. Shinallatac shuctac dioscunamanpish vinota cushpami tallirca. Chaimantami chai huasicunaca Tofet pamba shinallatac mapayashca” ninmi ningui» nirca.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

JEREMÍAS 33:25

Ashtahuanpish Mandac Dios ñucaca: Punzhahuanpish, tutahuanpish mana ari nishca cashpa, jahua pachapipish, cai pachapipish mandashca mana churashca cashpaca,

JEREMÍAS 8:2

Chaicunataca jahua pachapi tiyac inti, quilla, lucerocuna ucupimi tendishpa churanga. Paicuna causacushpaca chaicunatami cuyashpa, alli nishpa causarca. Shinallatac chaicunamanmi tapuc carca. Tullucunataca pi mana tandashpa enterrangachu. Ashtahuanpish allpapimi huanu tucunga.

EZEQUIEL 18:6

lomacunapi tiyac altar ladopi mana micun. Israelcuna ruhuashca dioscunatapish mana mañanchu, shucpac huarmita mana japirinchu, quilla ungüihuan cac huarmipipish mana chayarinchu.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

HECHOS 7:42

Chaimantami Diosca quiquin munaita ruhuashpa, lucerocunatapish adorachun saquishpa, paicunamanta caruyarca. Dios ima nishcata huillaccuna quillcachishpaca: “Israelcuna, cancuna chuscu chunga huatata shitashca pambapi cashpa, animalta rupachishpaca, mana ñucamanchu curcanguichic.

ROMANOS 1:25

Paicunaca cashcata nic huillashcata saquishpami, llulla huillashcata catincuna. Diosta cungurishpa, alli ninapac randica, pai ruhuashcacunatami cungurishpa adorancuna. Diosllami huiñaita alli nishca cana can. Chashna cachun.

DEUTERONOMIO 13:10

Chai runaca cancuna Egipto llactapi huatashca shina causacucpi, llucchic Mandac Diosmanta caruyachishcamantaca huañuchishcami canga.

DEUTERONOMIO 13:5

Ashtahuanpish chai huillac, mana cashpaca muscuc runaca cancuna Egiptopi huatashca shina causacucpi, llucchic Mandac Diospac contra huillashcamantaca huañuchishcami canga. Chai huillacca cancunata Mandac Dios ima shina causachun yachachishcamanta anchuchishpami pandachisha ninga. Chashna huañuchishpami cancunapac chaupimanta millaita anchuchinguichic.

DEUTERONOMIO 17:3

shuctac dioscunata servishpa, chai dioscunapac ñaupapi cumuricucta, mana cashpaca intita, quillata, tucui lucerocunata adoracucta, chashna ñuca ama ruhuachun nishcacunata ruhuacucta

DEUTERONOMIO 4:18

allpata aisarishpa puric animalman riccha, yacupi tiyac challuaman riccha dioscunata ruhuashpa, pacta huaclliringuichicman.