DEUTERONOMIO 4:16 - Dios Rimashcata Quillcashcami

¹⁶ Pacta cariman riccha, huarmiman riccha dioscunata ruhuashpa, huaclliringuichicman.

DEUTERONOMIO 4:16 ပူးပေါင်းရင်းမြစ်များ

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

ISAÍAS 44:13

Carpinteroca caspipi shuc reglata churashpami lapiz-huan señalan. Chai quipaca cepillohuan llambushpami compas-huan runaman ricchata ruhuashpa, huasipi churan.

EZEQUIEL 8:10

Chaiman yaicushpaca, pirca quingrai muyundipi pambata llucashpa puric animalcunatapish, mapa animalcunatapish, israelcunapac dioscunatapish dibujashca tiyacuctami ricurcani.

LEVÍTICO 19:4

Ama ruhuashcalla dioscunata alli ninguichicchu. Ama fierrota yacuyachishpa dioscunata ruhuanguichicchu. Ñucami cancunata Mandac Diosca cani.

LEVÍTICO 26:1

Ama shuctac dioscunatapish, imaman ricchacunatapish ruhuanguichicchu. Cancunapac llactapica ama rumimanta ruhuashca dioscunatapish, pintashca rumicunatapish ruhuanguichicchu. Ama chaicunapac ñaupapi cumuringuichicchu. Ñucami cancunata Mandac Dios cani.

SAN JUAN 4:24

Diosca Espiritumi. Chaimantami paita mañacca Diospac Espíritu yuyaita cucpi, ima shina mañana cashca shina mañancuna— nirca.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

DEUTERONOMIO 16:22

Mandac Dios mana ricunayachishca dioscunata yuyarina rumicunatapish ama shayachinguichicchu.

DEUTERONOMIO 27:15

“Caspimanta, mana cashpaca fierrota yacuyachishpa imamanpish riccha, Mandac Dios millanayachishca diosta ruhuashpa, pacallapi churacca, llaqui tucushca cachun” nishpa caparicpica, tucui gentecunami: “¡Chashna cachun!” ninga.

DEUTERONOMIO 31:29

Ñuca huañushca quipaca huacllirishpami, ñuca mandashcacunamantapish caruyanguichic. Mandac Diospac ñaupapi cancunapac maquihuan mana allita ruhuashpa, Diosta piñachishcamantami quipa punzhacunapica llaqui japinga» nirca.

DEUTERONOMIO 4:23

Chaiman chayashpaca, pacta Mandac Dios cancunahuan ari nishcata cungarishpa, imaman riccha shuctac dioscunata ruhuanguichicman. Chaicunataca Mandac Diosca ama ruhuachun nircami.

DEUTERONOMIO 4:25

Cancuna chai llactapi causacushpaca huahuacunayuc, nietocunayuc tucushpami yuyaccuna tucunguichic. Chashna causacushpaca, ama labrashca dioscunata, imaman riccha dioscunata ruhuashpa adoranguichicchu. Chashna ruhuashpaca Mandac Diospac ñaupapi mana allita ruhuashpami paita piñachinguichic.

DEUTERONOMIO 5:8

Jahua pachapi, cai pachapi imapish tiyaccunaman riccha diostapish, allpa ucupi, yacupi tiyacman riccha diostapish ama ruhuanguichu.

DEUTERONOMIO 5:9

Chai dioscunapac ñaupapi ama cumuringuichu, ama adoranguichu. Ñucaca, ñucapaclla causachun munac Mandac Diosmi cani. Taitacuna juchallishcamantaca paicunapac huahuacunatami quimsaniqui, chuscuniqui huahua huahuacaman llaquichicmi cani.

DEUTERONOMIO 9:12

Chaita cushpami Mandac Diosca: “Jatari, caimanta utca urai ri. Egiptomanta can llucchimushca tucui gentecunami mana allita ruhuacun. Ñuca mandashcacunata saquishpami curita yacuyachishpa shuc diosta ruhuancun” nirca.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.