DEUTERONOMIO 4:15 - Dios Rimashcata Quillcashcami

¹⁵ Cancunaca Horeb urcupi nina chaupimanta Mandac Dios rimacucpica, imata mana ricurcanguichicchu. Chaimanta cancunallatac allita cuidarichic.

DEUTERONOMIO 4:15 ပူးပေါင်းရင်းမြစ်များ

1 REYES 19:12

Allpa chucchushca quipaca, ninami ricurirca. Mandac Diosca chai ninapipish mana carcachu. Ninapac quipaca huaira allilla huacacucmi uyarirca.

SALMOS 119:9

¿Ima shinatac quipa huiñaicunaca paipac causaipi chuya canga? Cambac rimashcata cazushpami chuya canga.

ÉXODO 19:1

Israelcunaca Egiptomanta llucshishpaca, quimsa quillapimi shitashca pamba Sinaiman chayarca.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

PROVERBIOS 4:27

Alli ñanmantaca alli ladomanpish, lluqui ladomanpish ama ladoyanguichu. Cambac chaquitaca mana allimanta anchuchinguichu.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

JEREMÍAS 17:21

Mandac Diosca: Cancunallatac llaquirichicyari. Samana punzhapica Jerusalén pungucunata ama imata apashpa yaicuichicchu.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

DEUTERONOMIO 10:4

Puntapi quillcashca shinallatacmi chai ishcai tabla rumipi cancuna tandanacushca cacpi, nina rupacuc urcu chaupimanta rimashca chunga mandashcacunata quillcarca. Mandac Diosca chaitaca ñucamanmi curca.

DEUTERONOMIO 4:12

Mandac Diosca chai nina chaupimantami cancunataca rimarca. Chai rimashcata uyashpapish, pai ima shina cashcataca cancunaca mana ricurcanguichicchu.

DEUTERONOMIO 4:14

Chai huatacunallapitacmi Mandac Diosca ñucataca cancuna japigricushca llactaman yaicushpa, mandashcacunata, pactachinacunata yuyarashpa cazuchun, yachachi nirca.

DEUTERONOMIO 4:23

Chaiman chayashpaca, pacta Mandac Dios cancunahuan ari nishcata cungarishpa, imaman riccha shuctac dioscunata ruhuanguichicman. Chaicunataca Mandac Diosca ama ruhuachun nircami.

DEUTERONOMIO 4:36

Yachachingapacca jahua pachamantami rimarca. Cutin cai pachapica paipac jatun ninatami ricuchirca. Nina pai chaupimanta rimashcataca uyarcanguichic.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 5:4

Caitaca urcupimi nina chaupimanta Mandac Diosca ñahui ñahui cancunahuan parlarca.

DEUTERONOMIO 5:8

Jahua pachapi, cai pachapi imapish tiyaccunaman riccha diostapish, allpa ucupi, yacupi tiyacman riccha diostapish ama ruhuanguichu.

DEUTERONOMIO 9:10

Chaipimi Mandac Diosca paipac dedohuan quillcashca ishcai tabla rumita curca. Chaipica Mandac Dios urcupi, nina rupacuc chaupimanta rimashcata quillcashcami carca. Chai punzhapica cancunapish tandanacushpami chaipi carcanguichic.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

JOSUÉ 23:11

Chaimanta cancunallatac allita cuidarichic. Cancunata Mandac Diosta cuyangapac sinchiyashpa, tucui almahuan cazuichic.