DEUTERONOMIO 4:12 - Dios Rimashcata Quillcashcami

¹² Mandac Diosca chai nina chaupimantami cancunataca rimarca. Chai rimashcata uyashpapish, pai ima shina cashcataca cancunaca mana ricurcanguichicchu.

DEUTERONOMIO 4:12 ပူးပေါင်းရင်းမြစ်များ

ÉXODO 19:9

Shina huillacpimi, Mandac Diosca Moisestaca: —Ñucami amsa puyupi cambacman shamusha. Chashna shamushpa, canhuan parlacta israelcuna uyashpami, cantaca tucui causaipi cringa— nirca. Cutin israelcuna ima nishcataca Moisesca Mandac Diosmanmi huillarca.

ÉXODO 20:22

Mandac Diosca Moisestaca: «Israelcunataca: “Jahua pachamanta ñuca shamushpa, cancunahuan parlashcatami ricushcanguichic.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

ISAÍAS 40:3

Shitashca pambapi caparishpaca: «¡Mandac Diospac ñanta allichichic! ¡Shitashca pamba quingu ñancunatapish ñucanchic Diosman derechaichic!

ISAÍAS 40:6

Shuc rimashca uyarishpaca: «¡Caparishpa huillaiyari!» nirca. Shina nicpimi ñucaca: «¿Imapactac caparishpa huillashayari?» nircani. Shina nicpimi: «Tucui gentecunaca quihua shinallami. Paicuna sumac cashcapish pambapi tiyac sisa shinallami.

NÚMEROS 12:8

Chaimantami paihuanca ñahui ñahui entendinallata rimani. Mana muscuipi shina ricurishpachu rimani. Paica ñucataca ñahui ñahuimi ricsin. Ñucata servic Moisesta juchanchishpa rimanataca, ¿ima nishpatac mana manchanguichic?» nirca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SAN MATEO 3:3

Juanmanta Dios ima nishcata huillac Isaías huillashpaca: «Shitashca pambapi shuc runa caparishpaca: “Quishpichic shamuna ñanta allichichic, quingu ñancunatapish derechaichic” nicunmi» nirca.

DEUTERONOMIO 10:4

Puntapi quillcashca shinallatacmi chai ishcai tabla rumipi cancuna tandanacushca cacpi, nina rupacuc urcu chaupimanta rimashca chunga mandashcacunata quillcarca. Mandac Diosca chaitaca ñucamanmi curca.

DEUTERONOMIO 4:11

Chashna nicpimi, cancunaca urcu chaquiman cuchuyarcanguichic. Chai urcuca cielocaman rupashpami yana yana puyuhuan purayashca carca.

DEUTERONOMIO 4:13

Chaipimi Mandac Diosca pai ari nishcata huillashpa, chunga mandashcacunata ishcai tabla rumipi quillcashpa mandarca.

DEUTERONOMIO 4:15

Cancunaca Horeb urcupi nina chaupimanta Mandac Dios rimacucpica, imata mana ricurcanguichicchu. Chaimanta cancunallatac allita cuidarichic.

DEUTERONOMIO 4:33

¿Shuc llactapi causaccunaca nina chaupimanta Dios rimashcata cancuna uyashca shina uyashpapish causashpa caticca tiyangachu?

DEUTERONOMIO 4:36

Yachachingapacca jahua pachamantami rimarca. Cutin cai pachapica paipac jatun ninatami ricuchirca. Nina pai chaupimanta rimashcataca uyarcanguichic.

DEUTERONOMIO 5:22

Cai mandashcacunataca cancuna urcupi tandanacushca cacpimi, Mandac Diosca pura puyu nina chaupimanta sinchita rimarca. Chai quipaca, imatapish mana ashtahuan rimashpami ishcai tabla rumipi quillcashpa ñucaman curca.

DEUTERONOMIO 5:4

Caitaca urcupimi nina chaupimanta Mandac Diosca ñahui ñahui cancunahuan parlarca.

DEUTERONOMIO 9:10

Chaipimi Mandac Diosca paipac dedohuan quillcashca ishcai tabla rumita curca. Chaipica Mandac Dios urcupi, nina rupacuc chaupimanta rimashcata quillcashcami carca. Chai punzhapica cancunapish tandanacushpami chaipi carcanguichic.

COLOSENSES 1:15

Cristota ricushpami, mana ricsishca Diostaca ricunchic. Paica imapish manarac tiyacpi, ña tiyashca Diospac Churimi.

HEBREOS 12:19

Shinallatac trompeta tocashcatapish, Dios rimashcatapish mana uyarcanguichicchu. Chaita uyaccunaca ama ashtahuan rimarishpa catichunmi mañarca.