DEUTERONOMIO 34:5 - Dios Rimashcata Quillcashcami

⁵ Mandac Diosta servic Moisesca pai nishca shinami Moab llactapi huañurca.

DEUTERONOMIO 34:5 ပူးပေါင်းရင်းမြစ်များ

2 REYES 1:17

Mandac Dios Eliasta nishca shinallatacmi Ocoziasca huañurca. Ocoziasca mana churita charircachu. Chaimantami Israel llactaca Joram mandai callarirca. Josafatpac churi Joramca ishcai huatatami Judá llactataca mandarca.

2 CRÓNICAS 1:3

Chai quipaca tucui chai tandanacushca gentecunahuanmi, Gabaón lomapi cac Dios-huan tupana huasipi cac altarman rirca. Chai carpa huasitaca Mandac Diosta servic Moisesmi shitashca pambapi ruhuashca carca.

MALAQUÍAS 4:4

Ñucata servic Moisés mandashcacunatapish, ñuca yachachishcacunatapish allita yuyaringuichic. Chai mandashcacunataca tucui israelcunaman huillachunmi Horeb urcupi curcani.

NÚMEROS 12:7

Shina cacpipish, ñucata servic Moises-huanca mana chashnachu parlani. Paica ñuca huasipi allita servicmi.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 32:50

Chai urcupimi cambac huauqui Aarón Hor urcupi huañushpa paipac ñaupa aillucunahuan tandaringapac ric shina canpish chai urcuman rishpa huañushpa, cambac ñaupa aillucunahuan tandaringapac ringui.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.