DEUTERONOMIO 34:3 - Dios Rimashcata Quillcashcami

³ Neguev llactata, Jericó pambacunatapish, palmacuna tiyac llactatapish Zoar llactacamanmi ricuchirca.

DEUTERONOMIO 34:3 ပူးပေါင်းရင်းမြစ်များ

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 14:2

Paicunami Sodomata jatun mandac Berahuan, Gomorra pueblota jatun mandac Birsahuan, Adma llactata jatun mandac Sinabhuan, Zeboim pueblota jatun mandac Semeberhuan, Zoar nishca Bela llactata jatun mandac-huan macanacurca.

GÉNESIS 14:8

Shina cacpimi, Sodoma, Gomorra, Adma, Zeboim, Zoar nishca Bela llactacunamanta jatun mandaccuna llucshishpa, Sidim pambapi macanacungapac allichirirca.

GÉNESIS 19:22

Chaipi utca miticungapac callpai. Can chaiman chayangacamanca, imata mana ruhuashachu— nirca. Chai llacta uchilla cashcamantami Zoar shuti saquirirca.

2 CRÓNICAS 28:15

Chai quipaca shutipi cayashpa churashca mandaccunami, prezu apamushcacunata pushashpa paicunapurapi maijan churana illaccunaman churachirca. Paicunamanca chaquipipish churachirca, cararca, ubiachirca, shinallatac chugricunata aceitehuan jambishpami, mana puric pudiccunataca burrocunapi montachishpa, palmera yuracuna tiyac Jericó pueblocaman, paicunapac huauquicunapacman pusharca. Chai quipaca Samaria pueblomanmi cutircacuna.

NÚMEROS 34:3

Ura lado Zin shitashca pambamantaca Edom llacta tupanacuitami canga. Chai ura inti llucshina lado linderoca Cachi Cucha tucuricamanmi canga.

JUECES 1:16

Moisespac suegro Ceneopac huahuacunami palmacuna tiyac pueblomanta Judá ailluhuan, Judá shitashca pambaman rirca. Chai pambaca Arad pueblo ladollapi cac Neguev pambami carca. Paicunaca chai gentecunahuanmi causangapac saquirirca.

JUECES 3:13

Chai mandacca amonitacunata, amalecitacunata tandachishpami israelcunataca huañuchirca. Chashna atishpami, palmacuna tiyac pamba pueblotaca tucui japirca.