DEUTERONOMIO 33:8 - Dios Rimashcata Quillcashcami

⁸ Levimanta nishpaca: «Mandac Dioslla, Tumimtapish, Urimtapish canta alli cazuc Leviman cuiyari. Pai ima shina cactaca Masá nishca Meriba yacupimi ricurcangui.

DEUTERONOMIO 33:8 ပူးပေါင်းရင်းမြစ်များ

2 CRÓNICAS 23:6

Mandac Diospac huasipica mana pi yaicungachu, ashtahuanpish Diospaclla cashcamantami Diospacta ruhuac curacuna, levitacunalla chaimanca yaicunga. Tucui gentecunaca Mandac Diospac mandashcatami pactachingacuna.

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ESDRAS 8:28

Chai quipaca: «Cancunaca Mandac Diospaclla chicanyachishcami canguichic. Diospac huasipi ima tiyashcacunapish, cullquipish, curipish, ñucanchic ñaupa taitacunata Mandac Diosman quiquin munaihuan cushcacunapish Diospaclla chicanyachishcami.

NEHEMÍAS 7:65

Chaimantami Judá llactata mandacca Urimhuan, Tumimhuan shuc cura Diosman tapushpa, yachangacaman Diosman cushca micunacunataca ama micuchun nishpa mandarca.

SALMOS 106:16

Carpacunapi cashpami Moisés shina casha nishpa piñarircacuna. Shinallatac Mandac Diospaclla chicanyachishca Aarontapish piñashpami rimarcacuna.

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

SALMOS 81:7

Llaquipi cashpa ñucata caparicpica quishpichircanimi. Tulun nicuc chaupimantami cutichircani. Meriba yacu ladopimi cancuna ima shina cashcata yacharcani.

ÉXODO 17:7

Chaipi israelcuna piñarishcamantami chai pambataca «Masata» shutichirca. Shinallatac Mandac Diosta rimashpa: «¿Mandac Diosca ñucanchic-huanchu? ¿Manachu ñucanchic-huan?» nishcamantami “Meribata” shutichirca.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

ÉXODO 28:36

Chashnallatac alli curimanta shuc sisalaya placata ruhuangui. Chaipica fierrohuan aspishpa, Mandac Dios ñucapaclla chicanyachishcami nishpa sellota quillcangui.

LEVÍTICO 21:7

Paicunaca ñucapaclla curacunami. Chaimanta cullquimanta huainayac huarmihuanpish, cusamanta raquirishca huarmihuanpish, shuc cari chayarishca solterahuanpish mana cazaranachu can.

LEVÍTICO 8:8

Chai quipaca pectoralta churachishpami, jahuapica Urimta, Tumimta churachirca.

MALAQUÍAS 2:6

Levitacunaca cashcata nic mandashcacunatami yachachirca. Paicunaca ima mana allita mana rimarcachu. Cashcata ruhuashpami ñucahuan cushilla causarca. Chashnami tauca mana allita ruhuashpa causac runacunata mana allimanta anchuchirca.

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

NÚMEROS 20:13

Chaipi israelcuna Mandac Dios-huan piñanacushcamantami chai yacutaca Meriba yacu nirca. Chaipimi Mandac Diosca paicunapurapica jucha illac cashcata ricuchirca.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

NÚMEROS 35:8

Israelcuna japishca shinallatacmi levitacunapish japina can. Jatun ailluca achcatami japinga, uchilla ailluca ashatami japinga” ningui» nirca.

DEUTERONOMIO 6:16

Masá llactapi Mandac Diosta ruhuashca shina, ruhuashpa ama piñachinguichicchu.

DEUTERONOMIO 8:16

Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.

DEUTERONOMIO 9:22

Tabera, Masá, shinallatac Quibrot-hataaval llactacunapipish yallitami Mandac Diostaca piñachircanguichic.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.