DEUTERONOMIO 32:51 - Dios Rimashcata Quillcashcami

⁵¹ Cadespi tiyac Meriba yacupi, shitashca pamba Zinpi cashpaca ñucata llaquichircanguimi. Israelcunapac chaupipica mana ñucataca jucha illac nishpa huillarcanguichu.

DEUTERONOMIO 32:51 ပူးပေါင်းရင်းမြစ်များ

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.

EZEQUIEL 47:19

Ura lado linderoca Tamar llactamantaca Meriba yacucaman, Cades llactamanta Egipto llacta tupanacuipi tiyac yacuta catishpa, mama cuchacamanmi canga.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

NÚMEROS 27:14

Cancunaca Zin shitashca pambapi cashpa, yacu mana tiyacpi, israelcuna ñucata llaquichicpica, ñucata mana cazurcanguichicchu. Meriba yacupica ñuca jucha illac cashcataca mana paicunapac ñaupapi ricuchircanguichicchu— nirca. Yacumantami Cades ladopi tiyac shitashca pamba Zinpi piñarirca.

JOSUÉ 15:1

Judapac churicunamanpish paicuna mashna cashcata ricushpami suerteta ruhuashpa curca. Paicunaca Edom llactacaman, shitashca pamba Zincamanmi inti llucshina ladoman japirca.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?