DEUTERONOMIO 32:46 - Dios Rimashcata Quillcashcami

⁴⁶ «Cunan ñuca rimashcataca tucui shunguhuan yuyarashpa pactachinguichic. Mandashcacunata quillcashca libropi tucui ima nicushcata huahuacunapish uyashpa cazuchunmi, chashna ruhuana canguichic.

DEUTERONOMIO 32:46 ပူးပေါင်းရင်းမြစ်များ

1 CRÓNICAS 22:19

Chaimanta cancunaca cancunata Mandac Diosta tucui shunguhuan, tucui yuyaihuan mashcaichic. Mandac Dios ari nishca quillcata huacaichina Arcatapish Diospaclla chicanyachishca ima charishcacunatapish, apamungapac Mandac Diospac huasitaca shayachi callarichic» nirca.

SALMOS 78:5

Diosmi Jacobopac huahuacunamanca ima shina causanata yachachishpa, israelcunamanca mandashcata curca. Chaicunataca ñaupa taitacunamanmi paicunapac huahuacunamanpish, ñucanchicmanpish yachachichun mandarca.

PROVERBIOS 12:28

Cashcata ruhuanaca causaiman pushac ñanmi. Chai ñanpica huañuipish mana tiyanchu.

EZEQUIEL 40:4

Chai runaca: «Huañunalla runa, allita ricui, shinallatac allita uyai. Ñuca imata ricuchishcataca allita yuyaringui. Cantaca ñuca ricuchishcata ricuchingapacmi caiman pushamurcani. Cai ricuchishcataca tucui israelcunaman huillangui» nirca.

EZEQUIEL 44:5

Chaipimi Mandac Diosca: «Huañunalla runa, ñuca huasipi ima ruhuanamanta ñuca canman huillashcatapish, mandashcacunatapish, allita uyashpa, allita entendingui. Ñucapac huasiman maijanlla yaicuna cashcata, maijanlla mana yaicuna cashcata alli yachacungui.

AMÓS 5:4

Chashna cacpipish, Mandac Diosca israelcunataca: «Ñucapacman shamuichic, causanguichicmi.

SAN LUCAS 9:44

—Caita alli uyaichic, Runa Tucungapac shamushca ñucataca runacunamanmi japichinga— nirca.

DEUTERONOMIO 11:18

Ñuca yachachishcacunata cancunapac shungupi, cancunapac yuyaipi churaichic. Cai mandashcacunataca cancunapac maquipi, frentepi tucuipac ricuna cachun, huatashca shina apaichic.

DEUTERONOMIO 11:19

Caicunataca huasipipish, ñanta purishpapish, samarishpapish, jatarishpapish cancunapac churicunaman yachachinguichic.

DEUTERONOMIO 32:45

Moisés tucui israelcunaman huillashpaca:

DEUTERONOMIO 4:6

Cai mandashcacunata cazunguichic. Chashna cazushpa causashpami cancunaca alli yuyaiyuccuna, alli yachaccuna canguichic. Chashna cacpimi, cai pachapi causaccunaca: “¡Cai gentecunaca alli yachac, alli yuyaiyuccunami!” ninga.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

HEBREOS 2:1

Chaimantami alli ñanta mana chingachingapac ñucanchic uyashcataca yuyarashpa cana canchic.