DEUTERONOMIO 32:38 - Dios Rimashcata Quillcashcami

³⁸ ¿Maipitac cancuna animalcunata rupachishpa cushca huirata chasquic, cancuna cushca vinota ubiac diosca?” ninga. ¡Chai dioscuna jatarishpa ayudangapac, cancunata misangapac shamuchunyari!

DEUTERONOMIO 32:38 ပူးပေါင်းရင်းမြစ်များ

SALMOS 50:13

¿Ñucaca huagra aichata micushpachu causani? ¿Cari chivo yahuarta ubiashpachu causani?

ÉXODO 34:15

Chai allpapi causaccunahuanca imata yuyarinacungapac ama ari ninacunguichu. Chai shina ruhuacpica, yangalla dioscunata mañangapacmi allimanta aisashpa catinga. Chai dioscunaman cushpa, huañuchishca animal aichata micungapac cayacpi, chaita can micushpaca, chai dioscunahuan huainayashca shinami tucungui.

JEREMÍAS 11:12

Judá llactacunapi causaccunapish, Jerusalenpi causaccunapish paicuna inciensota cushnichishpa adorana dioscunata caparishpa mañangapac ringacunami. Chai dioscunaca paicuna llaqui punzhapi cacpica, mana quishpichi pudingachu.

JEREMÍAS 37:19

¿Maipitac cancunaman: “Babilonia llactata jatun mandacca cancunatapish, cai llactatapish mana llaquichingapac shamungachu” nishpa huillacca?

DANIEL 1:8

Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

LEVÍTICO 21:21

Aaronpac aillupuramanta maijan lisiado runaca ofrendata cushpa, rupachingapac mana ñucapacman mana cuchuyanachu can. Lisiado runaca manatac ñucapacman cuchuyanachu can.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

NÚMEROS 25:1

Israelcunaca Sitimpimi causacurca. Chaipimi Moabpi causac huarmicunahuan huainayai callarirca

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

JUECES 10:14

¡Cunanca cancunata cai llaquimanta quishpichichunca, cancuna acllashca dioscunata caparishpa mañagrichic!— nirca.