DEUTERONOMIO 32:35 - Dios Rimashcata Quillcashcami

³⁵ Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

DEUTERONOMIO 32:35 ပူးပေါင်းရင်းမြစ်များ

GÉNESIS 4:23

Shuc punzha Lamecca paipac huarmicunataca: «Lamecpac huarmicuna, Adapish, Zilapish ñucata uyaichic. Shuc runataca chugrichishcamantami huañuchircani. Shuc huambrataca ñucata huactashcamantami huañuchircani.

2 SAMUEL 22:48

Ñucata llaquichishca shinallatac llaquichicmi. Gentecunataca ñucata cazuchunmi, ñuca chaqui ucupi churan.

2 REYES 9:7

Canta mandac Acabpac huasi ucupurataca canmi huañuchingui. Chashna ruhuashpami ñuca ima nishcata huillaccunata, tucui ñucata serviccunata huañuchishpa, yahuarta jichashcamantaca paicunatapish chashnallatac huañuchingui. Chai serviccunataca Jezabelmi huañuchichirca.

SALMOS 94:1

Mandac Dioslla, ima shina llaquichishca shinallatac llaquichic Diosmi cangui. Ima shina llaquichishca shinallatac llaquichishpa ricuchiyari.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

ISAÍAS 13:22

Mandana huasicunapipish, paicuna cushicuna huasicunapipish hienacuna, atuccunami huacacunga. Babilonia llacta chashna llaquichina punzhacunaca ñami chayamucun. Chai punzhacunaca mana unaiyangachu» nirca.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

ISAÍAS 60:22

Paicunamanta yalli uchillami huaranga huaranga tucunga. Ashallamantami yallita sinchi llactacuna tucunga. Mandac Dios ñucallatacmi chashna tucuna punzhataca utca pactachisha» ninmi.

ISAÍAS 8:15

Paicunapuramanta taucacunami urmashpa huañunga. Maijancunaca mitcarishpa, llaqui tucushpami prezuringa.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

JEREMÍAS 51:56

Tucuchiccunaca Babilonia llactaman shamushpami tucui tucuchishpa, sinchi soldadocunatapish prezu apanga. Paicunapac arcopish polvoringami. Mandac Diosca paicuna imata ruhuashca shinallatacmi llaquichinga.

JEREMÍAS 6:21

Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

EZEQUIEL 7:5

Mandac Dios rimashpaca: «¡Riquichic, jatun llaquimi catipi, catipi chayamugrin!

OSEAS 13:12

Efraín aillu millaita ruhuashcaca huatashca shinami tiyacun. Paicunapac juchapish alli huacaichishcami tiyacun.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

NAHÚM 1:2

¡Mandac Diosca, paipaclla cachun munacmi! Ima shina paita llaquichishca shinallatac llaquichicmi. Paita mana ricunayachiccunata llaquichicmi, paita piñaccunata piñacmi.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.

ROMANOS 13:4

Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.

HEBREOS 10:30

Mandac Diosca: «Ñucami llaquichiccunataca llaquichisha. Ñucami paicuna japina cashcata cusha» ninmi. Shinallatacmi: «Ñuca huahuacunataca ñucami taripasha» ninmi. Chaitaca yachanguichicmi.

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!