DEUTERONOMIO 32:3 - Dios Rimashcata Quillcashcami

³ Mandac Diospac shutitami alli nisha. ¡Ñucanchic Diosca jatunmi!

DEUTERONOMIO 32:3 ပူးပေါင်းရင်းမြစ်များ

1 CRÓNICAS 17:19

Mandac Dioslla, canta servic ñucata cuyashpami can munashca shina sumaimanata ruhuashpa ricuchishcangui.

1 CRÓNICAS 29:10

David tucui tandanacushcapac ñaupapi Mandac Diosta alli nishpaca: «¡Ñucanchic ñaupa taita Israelpac Mandac Dioslla, cantaca huiñaita alli nishca cachun!

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

1 CRÓNICAS 29:13

Chaimantami ñucanchic Dioslla, cambac sumaimana shutitaca alli ninchic.

SALMOS 150:2

¡Jatun mancharinacunata ruhuashcamanta alabaichicyari! ¡Jatun Diostaca pai mai jatun cashcamanta alabaichicyari!

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 33:19

Shina nicpimi, Mandac Diosca: —Ñuca yallita cuyac cashcatami, canmanca ricuchigrini. Mandac Dios ñucaca mandac cashcatapishmi cambac ñaupapi huillasha. Maijanta yallita cuyasha nishpaca yallita cuyacmi cani. Maijanta llaquisha nishpaca llaquicmi cani.

ÉXODO 6:3

Ñucami tucui imatapish ruhuaclla Dios cani. Ñucami Abrahammanpish, Isaacmanpish, Jacobomanpish ricurircani. Shina cashpapish, ñucaca Mandac Dios shuti cashcataca paicunamanca mana ricsichircanichu.

JEREMÍAS 10:6

¡Mandac Dioslla, can shinaca pi mana tiyanchu! Canllami jatun cangui. Cambac shutica jatun poderyucmi.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN JUAN 17:26

Can ñucata cuyac shinallatac paicunapish cuyanacuchun, shinallatac ñucahuan shuc shinalla cachunmi, can rimashcacunataca ricsichini, shinallatac ricsichishpa catishami— nirca.

SAN JUAN 17:6

Cai pacha gentecunamanta can acllashpa, ñucaman cushcacunamanca, ñami can pi cashcataca huillashcani. Cambacmi carcacuna, canmi ñucaman curcangui. Paicunaca can rimashcacunata cazushcacunami.

EFESIOS 1:19

Ñucanchic paita criccuna cacpimi imatapish allita ruhuachun paipac poderta ñucanchicman cucun. Cai poderllahuantacmi, Diosca pipish mana ruhuaipaclla cashcata ruhuashpa,

DEUTERONOMIO 3:24

“Mandac Dioslla, canta serviccunaman can jatun cashcata, can poderta charishcata ricuchi callarishcangui. Can shina sumaccunata, jatun mancharinacunata ruhuacca jahua pachapipish, cai pachapipish, ¿pi shuctac Diostac tiyangayari?

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.