DEUTERONOMIO 32:25 - Dios Rimashcata Quillcashcami

²⁵ Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

DEUTERONOMIO 32:25 ပူးပေါင်းရင်းမြစ်များ

2 REYES 7:5

Chashna nishpami, paicunaca ña amsayanata siriocunapac carpacuna shayachishca pambaman rircacuna. Chai carpacunaman chayacpica, tucuimi illashca carca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

ISAÍAS 30:16

Ashtahuanpish cancunaca: «Caballocunapi callpashpa quishpirishunllami» nircanguichicmi. ¡Cancuna nishca shinallatac miticushpa callpanguichicmi! Shinallatac: «Yallita callpac caballocunapimi callpashun» nircanguichicmi. ¡Shina cacpipish, cancunata caticcunaca alli callpac caballocunallapitacmi catinga!

JEREMÍAS 44:7

Cunanca, tucuita Mandac Diosca cancunataca: «¿Ima nishpatac cancunapac llaquipacllatac yalli mana allicunata ruhuanguichic? Chaimantami Judá llactapi causacpurapica caricunapish, huarmicunapish, huambracunapish, chuchucuc huahuacunapish huañushpa tucuricun.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

JEREMÍAS 9:21

Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

LAMENTACIONES 1:20

Mandac Dioslla, ñuca yallita llaquirishpa, shunguta nanachicuctaca ricuiyari. Canta mana cazushcata yuyarishpami ñuca shunguca yallita llaquirishpa nanacun. Canzhapica espadami gentecunataca tucuchicun. Ucupica huañuillami tiyan.

LAMENTACIONES 4:4

Yallita yacunayaihuanmi chuchucuc huahuapac calluca palancarapi llutarirca. Huahuacuna tandata mañacucpica, pi mana cuc tiyanchu.

EZEQUIEL 7:15

Canzhapica jatun macanacuimi tiyanga. Ucupica ungüipish, yarcaipish tiyangami. Campopi caccunaca jatun macanacuipi, pueblopi caccunaca yarcaihuan, ungüihuanmi huañunga.

OSEAS 11:6

Paicunapac llactacunapi causaccunataca espadahuan tucui huañuchishpami, jarcashca pircacunatapish polvonga. Paicuna mana allita yuyarishcamantami chashna tucuchinga.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

OSEAS 9:16

Efraín ailluca ungushca yura shinami, sapi chaquishca. Chaimantami ima granopish mana pucunga. Huahuacunata charicpipish, chai cuyashca huahuacunataca ñucami huañuchisha» ninmi.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

2 CORINTIOS 7:5

Macedonia llactaman chayamushpaca imata mana samarircanchicchu, ashtahuanpish llaquicunahuanmi maipipish carcanchic. Canzhapica mana ricunayachic gentecunami llaquichirca, ñucanchic shungupica manchaimi llaquichicurca.