DEUTERONOMIO 32:10 - Dios Rimashcata Quillcashcami

¹⁰ Paitaca shitashca pambapimi tarirca. Manchana chaquishca pambapimi tarirca. Paimi tucui muyundita cuidarca. Paipac quiquin ñahuita shinami huacaichirca.

DEUTERONOMIO 32:10 ပူးပေါင်းရင်းမြစ်များ

ESTER 6:13

Amán chayashpa paipac huarmi Zeresmanpish, paipac ricsishcacunamanpish tucui ima tucushcata huillacpica alli yachac paihuan apanacuccunapish, paipac huarmi Zerespish Amantaca: —Judá llactamanta Mardoqueopac ñaupapi llaqui tucushpaca mana ati pudinguichu. Ashtahuanpish paipac ñaupapica urmashpami tucuringui— nircacuna.

SALMOS 107:40

Diosmi mandaccunata yangallata ruhuashpa, ñanpish illac yangalla purichun saquirca.

SALMOS 17:8

Cambac ñahui santa luzta shina cuidaiyari. Cambac alas ucupi pacaiyari.

PROVERBIOS 7:2

Ñuca mandashcacunata cazushpa causashpaca causanguimi. Ñuca yachachishcataca cambac ñahui santa luzta shina cuidangui.

CANTARES 8:5

¿Pitac shitashca pambamanta cuyashcapac rigra jahuapi huichai shamucun? Manzana yura ucupimi ricchachircani. Chaipimi cambac mamataca sajuarina nanai japirca. Chaipimi cambac mamaca canta sajuarirca.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 13:11

Israelcunapish, Judá llactapi causaccunapish chumbi runapac cinturapi pilluric shina, ñucahuan tandarishpa, ñuca llacta tucushpa, ñucata allimari cangui nichunmi cayarcani. Ashtahuanpish paicunaca mana cazurcachu. Chaitaca Mandac Dios ñucami nini» nirca.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

EZEQUIEL 16:5

Chashna can llaquinayai cacpica, pipish llaquishpa, mana imata ruhuarcachu. Ashtahuanpish, can huacharishca punzhapica millashcami pambapi shitashca carcangui.

EZEQUIEL 20:36

Ima shinami Egipto llactapi tiyac shitashca pambapi cancunapac taitacunata taripashpa llaquichircani, chashnallatacmi cancunatapish taripashpa llaquichisha. Chaitaca Mandac Dios ñucami nini.

OSEAS 11:3

Ñucami Efrainpac aillutaca rigramanta aisashpa, alli ñanta purinata yachachircani. Ashtahuanpish paicunaca ñuca jambishcataca mana yacharcachu.

OSEAS 13:5

Ñucami shitashca pambapi cancunata ayudarcani.

ZACARÍAS 2:12

Mandac Diosca Judá llactataca herencia allpata shinami, jucha illac llactapi paipaclla cachun chasquinga. Jerusalentapish cutin acllangami.

ZACARÍAS 2:8

Maijanpish cancunata llaquichicca ñuca ñahui muruta tucsic shinami llaquichin. Ñucata jatunyachishca quipami cancuna ima charishcata quichuccunapac llactacunaman cachasha. Chaitaca tucuita Mandac Dios ñucami» nini.

ROMANOS 2:18

Diospac munaitapish, pai mandashcacunata yachacushpa, ima allita acllana cashcatapish yachanguimi.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

DEUTERONOMIO 4:36

Yachachingapacca jahua pachamantami rimarca. Cutin cai pachapica paipac jatun ninatami ricuchirca. Nina pai chaupimanta rimashcataca uyarcanguichic.