DEUTERONOMIO 31:4 - Dios Rimashcata Quillcashcami

⁴ Mandac Diosca chai llactapi causaccunataca amorreocunata jatun mandac Sehonta, Ogta shinami paicunapac llactacunandi tucuchinga.

DEUTERONOMIO 31:4 ပူးပေါင်းရင်းမြစ်များ

DEUTERONOMIO 2:33

Shina cacpipish, ñucanchicta Mandac Diosmi paicunataca ñucanchic maquipi churarca. Chaimantami chai jatun mandactapish, paipac churicunatapish, tucui gentecunatapish tucui huañuchircanchic.

DEUTERONOMIO 3:21

Chai huatallatacmi Josuetaca: “Canta Mandac Dios chai ishcai jatun mandaccunata imata ruhuashcataca quiquin ñahuihuanmi ricurcangui. Chashnallatacmi Mandac Diosca can maita pasana jatun mandaccunatapish ruhuanga.

DEUTERONOMIO 31:3

Ashtahuanpish Mandac Diosmi cancunapac ñaupata rishpa, chai llactapi causaccunata cancunapac ñaupapi tucuchinga. Chashna ruhuacpimi, llucchishpa cachanguichic. Mandac Dios nishca shinami Josueca cancunapac ñaupata pasanga.

DEUTERONOMIO 31:5

Mandac Dios chai llactapi causaccunata cancunapac maquipi churacpimi, cancunaca ñuca mandashca shina ruhuanguichic.

DEUTERONOMIO 7:16

Mandac Dios shuctac llactapi causaccunata cancunapac maquipi churacpica, mana llaquishpa tucuchinguichic. Paicunapac dioscunaca mitcachic shinami pandachinga. Chaimanta ama chaicunataca adoranguichicchu.

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

JOSUÉ 24:12

Amorreocunata ishcai jatun mandaccunataca mana cancunapac espadahuan, flechahuanchu llucchishpa cacharcanguichic. Ashtahuanpish ñuca avispacunata cachacpimi, paicunaca cancunapac ñaupamanta rircacuna.