DEUTERONOMIO 31:16 - Dios Rimashcata Quillcashcami

¹⁶ Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 31:16 ပူးပေါင်းရင်းမြစ်များ

GÉNESIS 15:15

Shina cacpipish, canca sumacta causashpami cushilla yuyacyashpa huañungui. Chashna huañucpimi, cantaca enterranga. Chashnami cambac ñaupa taitacunahuan tandarigringui.

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

GÉNESIS 47:29

Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

GÉNESIS 47:30

Ñuca huañucpica, ñuca taitacuna maipi enterrashcapi enterrangapac ñuca cuerpotaca cai Egiptomanta llucchishpa apanguichic. Chashna apashpaca paicunata enterrashca allpallapitac enterrangui— nirca. Shina nicpimi Joseca: —Ari, can nishca shinallatacmi ruhuasha— nirca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

2 REYES 18:12

Paicunata Mandac Diosta mana cazushcamanta, Dios-huan ari nishcata yangapi churashcamanta, Mandac Diosta servic Moisés mandashcacunatapish mana ruhuashcamanta, mana uyashcamantami chashnaca tucurcacuna.

2 REYES 20:1

Chai punzhacunami Ezequiastaca huañuna ungüi japirca. Shina cacpimi Dios ima nishcata huillac Amozpac churi Isaías paipacman rishpaca: —Mandac Diosca: “Canca huañugringuimi, ña mana causanguichu. Chaimanta cambac huasi ucupurataca imata nina cashpapish utca ningui” ninmi— nirca.

2 CRÓNICAS 21:11

Chashna cashca jahuami Joramca Judá llacta lomacunapi altarcunata ruhuarca. Chaita ruhuashpami, Jerusalenpi causaccunatapish, Judapi causaccunatapish chai dioscunata alli nichishpa, mana allita ruhuachishpa pandachirca.

JOB 20:11

Paipac tullucuna sinchirac cashpapish, paillahuantacmi ñuto allpapi samaringa.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

ÉXODO 34:15

Chai allpapi causaccunahuanca imata yuyarinacungapac ama ari ninacunguichu. Chai shina ruhuacpica, yangalla dioscunata mañangapacmi allimanta aisashpa catinga. Chai dioscunaman cushpa, huañuchishca animal aichata micungapac cayacpi, chaita can micushpaca, chai dioscunahuan huainayashca shinami tucungui.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

JEREMÍAS 36:7

Paicuna mañashcata Mandac Dios uyaringapishchari. Shinallatac mana alli ruhuanata saquishpa, Mandac Diospac cuchuman chayaringapishchari. Mandac Diosca cai gentecunahuan yallita piñarishcami» nirca.

EZEQUIEL 16:15

Ashtahuanpish canca sumac cashcata yuyashpami, pipish chaita pasaccunahuan huainayarcangui. Chashnami paicunapaclla tucurcangui.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

LEVÍTICO 26:15

ñuca yachachishcacunata millanayachishpa, ñuca quillcachishcacunata yangata ruhuacpi, ñucahuan ari nishcata paquicpica,

NÚMEROS 27:13

Chaita ricushca quipaca cambac huauqui Aarón shinallatacmi huañushpa, cambac ñaupa taitacunahuan tandarigringui.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

DEUTERONOMIO 31:18

Shina cacpipish, ñucaca chai punzhacunaca manatac ñuca ñahuita ricuchishachu. Shuctac dioscunata catishcamantami chashna ruhuasha.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.

DEUTERONOMIO 32:50

Chai urcupimi cambac huauqui Aarón Hor urcupi huañushpa paipac ñaupa aillucunahuan tandaringapac ric shina canpish chai urcuman rishpa huañushpa, cambac ñaupa aillucunahuan tandaringapac ringui.

DEUTERONOMIO 34:5

Mandac Diosta servic Moisesca pai nishca shinami Moab llactapi huañurca.

DEUTERONOMIO 4:25

Cancuna chai llactapi causacushpaca huahuacunayuc, nietocunayuc tucushpami yuyaccuna tucunguichic. Chashna causacushpaca, ama labrashca dioscunata, imaman riccha dioscunata ruhuashpa adoranguichicchu. Chashna ruhuashpaca Mandac Diospac ñaupapi mana allita ruhuashpami paita piñachinguichic.

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish llaquichishcami» nircacuna.

JUECES 10:13

Shina cacpipish cancunaca ñucata saquishpami, shuctac dioscunata servinguichic. Chaimantami cutinca mana quishpichisha.

JUECES 10:6

Israelcunaca Baal, Astarot, Siria llacta, Sidón pueblopi tiyac, Moabpac, Amonpac churicunapac, filisteocunapac dioscunata servishpami Mandac Diosta piñachircacuna. Chashnami Mandac Diosta cungarishpa mana servircacuna.

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

JUECES 2:12

Paicunapac ñaupa taitacunata Egipto llactamanta llucchic Mandac Diosta saquishpami manapish diosta catishpa, chai muyundi pueblocunapi tiyac dioscunata servishpa Mandac Diosta piñachircacuna.