DEUTERONOMIO 31:13 - Dios Rimashcata Quillcashcami

¹³ Paicunapac huahua huahuacunapish cai mandashcacunata manarac ricsishca cashpapish yachacushpaca, Mandac Diosta manchangami. Chashna yachacushpami Jordán yacuta pasashpa, chai llactapi yaicushpaca, Mandac Diosta tucui causaipi manchashpa causanga» nirca.

DEUTERONOMIO 31:13 ပူးပေါင်းရင်းမြစ်များ

PROVERBIOS 22:6

Huahuataca alli causanata yachachingui. Shina yachachicpica, yuyacyashpapish mana cungaringachu.

LEVÍTICO 23:43

Egipto llactamanta cancunata ñuca llucchimushpa, chucllacunallapi causachun churashcata cancunapac huahua huahuacuna yachachunmi, chashna ruhuana canguichic. Ñucami cancunata Mandac Dios cani” ninmi ningui» nirca.

HAGEO 1:12

Shina nicpimi, Salatielpac churi Zorobabelpish, Josadacpac churi curacunata mandac Josuepish, saquirishca gentecunapish Mandac Dios rimashcata uyarca. Chashnami Dios ima nishcata huillac Hageo huillashcata uyashpa, Mandac Diospac ñaupapi yallita mancharirca.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

DEUTERONOMIO 11:2

Mandac Dios cancunata ima shina llaquichishcata yuyarichic. Chaitaca cancunapac huahuacunaca mana yachanchu, mana ricushcachu. Paicunaca Mandac Dios llaquishcatapish, pai poderta charishcatapish, paipac poderhuan llucchishcatapish mana yachanchu.

DEUTERONOMIO 31:12

Caicunata uyashpa, yachacushpa Mandac Diosta manchachun, mandashcacunata quillcashca libropi tucui nishcacunata cazuchunmi caricunatapish, huarmicunatapish, huahuacunatapish, cancunahuan causac caru llacta runacunatapishmi tucuita tandachina canguichic.

DEUTERONOMIO 31:14

Mandac Diosca Moisestaca: «Riqui, ñami cambac huañuna punzhaca chayamushca, Josueta ñucahuan tupana huasiman pushai. Chaipimi pai imata ruhuanata mandasha» nirca. Shina nicpimi, Moisesca Josuehuan Dios-huan tupana huasipi shuyarca.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

DEUTERONOMIO 6:7

Caicunataca huasipi cashpapish, ñanta ricushpapish, sueñungapac siririshpapish, jataringapacpish huahuacunaman yachachingui.