DEUTERONOMIO 30:6 - Dios Rimashcata Quillcashcami

⁶ Mandac Diosllatacmi paita tucui almahuan, tucui shunguhuan cuyachun, cancunapac shungutapish, cancunapac huahuacunapac shungutapish pitic shina ruhuanga. Chai shina paita cuyashpa, chai llactapi causachunmi chashnaca ruhuanga.

DEUTERONOMIO 30:6 ပူးပေါင်းရင်းမြစ်များ

ÉXODO 20:6

Ashtahuanpish ñucata cuyashpa, ñuca mandashcata cazuccunataca huaranga huaranga miraicamanmi cuyasha.

JEREMÍAS 24:7

Ñucaca Mandac Dios cashcata ricsichunmi paicunamanca alli yuyaita cusha. Paicunaca ñuca acllashcacunami canga. Ñucaca paicunapac Diosmi casha. Chaica, paicunaca tucui shunguhuanmi ñucapacman cutinga.

JEREMÍAS 32:39

Shinallatac huiñaita ñucata manchashpa causachunmi, paicunamanca shuc yuyaita, shuctac causaita cusha. Paicunapish, paicunapac quipa huahua huahuacunapish alli causaita charichunmi chashna ruhuasha.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

JEREMÍAS 9:26

Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.

LEVÍTICO 18:5

Ñuca yachachishcacunata, mandashcacunata pactachinguichic. Tucui caicunata pactachishcamantami causanguichic. Ñucami Mandac Diosca cani.

SAN MATEO 22:37

Shina nicpimi Jesusca: —“Canta Mandac Diosta tucui shunguhuan, tucui almahuan, tucui yuyaihuan cuyangui” ninmi.

ROMANOS 11:26

Chai quipaca, tucui israelcunami quishpiringa. Dios quillcachishcapica: «Sión pueblomantami Quishpichic shamunga. Jacobopac huahua huahuacunapac juchacunatami anchuchinga.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

1 CORINTIOS 8:3

Ashtahuanpish Diosta maijanpish cuyacca, Diospac ricsishcami can.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

DEUTERONOMIO 10:16

Chaimantami circuncisionta ruhuashpa, cancunapac shungumanta asha carata pitic shina, tucui millai yuyaita anchuchina canguichic. Ama sinchi shungu caichicchu.

DEUTERONOMIO 11:1

Cancuna Mandac Diosta cuyanguichic. Pai mandashcacunata, pactachinacunata, yachachishcacunata punzhanta cazunguichic.

DEUTERONOMIO 6:5

Mandac Diostaca tucui shunguhuan, tucui yuyaihuan, tucui munaihuan cuyangui.

COLOSENSES 2:11

Cancunaca Cristohuan shuclla tucushcamantaca, mana gentecunalla circuncisionta ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

1 JUAN 4:7

Cuyashca criccuna, Dios cuyaita cushcamanta caishuc chaishuc-huan cuyanacushunchic. Maijanpish cuyacca Diospac huahuami, shinallatac Diostapish ricsinmi.