DEUTERONOMIO 30:15 - Dios Rimashcata Quillcashcami

¹⁵ Cunanmi cancunapac ñaupapi causaitapish, allitapish, huañuitapish, llaquitapish churani.

DEUTERONOMIO 30:15 ပူးပေါင်းရင်းမြစ်များ

DEUTERONOMIO 11:26

Riquichic, cunanmi bendiciontapish, maldiciontapish cancunapac ñaupapi churani.

DEUTERONOMIO 30:19

Cunanmi cancuna llaquita apanata ricuchichun jahua pachatapish, cai pachatapish cayani. Cancunapac ñaupapimi causaitapish, huañuitapish, bendiciontapish, maldiciontapish acllachun ricuchini. Cancunapish, cancunapac huahuacunapish acllaichic.

MARCOS 16:16

Maijanpish crishpa, bautizaricca quishpiringami. Ashtahuanpish mana cricca, juchanchishcami canga.

DEUTERONOMIO 32:47

Cai nishcacunaca mana yangachu, ashtahuanpish causaita cuc rimashcami. Cai rimashcacunamantami Jordán yacuta pasashpa, chai llactata japishpa, unaita causanguichic» nirca.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

DEUTERONOMIO 30:1

Ñuca huillashca shina, tucui llaquicuna pactashca quipa, maldiciashca quipa, bendiciashca quipaca Mandac Dios llucchishpa cachashcacunaca maipi cashpapish caita yuyarishpa llaquiringuichic.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuc-huan cuyanacuchunmi, ñucanchictaca mandan.

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

DEUTERONOMIO 30:14

Ashtahuanpish cai mandashcacunaca cancunapac ladollapitacmi. Cancunapac shimillapitac, cancunapac shungullapitacmi. Cancuna pactachi pudinguichicmi.

PROVERBIOS 12:28

Cashcata ruhuanaca causaiman pushac ñanmi. Chai ñanpica huañuipish mana tiyanchu.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

JEREMÍAS 21:8

Mandac Diosca chai gentecunataca: “Cancunapac ñaupapica causana ñanta, shinallatac huañuna ñantami churani.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

JEREMÍAS 42:21

Chaimantami cunanca Mandac Dios cancunaman imata huillachun mandashcacunata tucui huillarcani. Ashtahuanpish pai imata mandashcataca mana cazushpami causanguichic.