DEUTERONOMIO 3:5 - Dios Rimashcata Quillcashcami

⁵ Tucui chai llactacunami alto pircacunahuan jarcashca, pungucunapish jatun fierrocunahuan huichcashca carca. Mana pircashca llactacunaca mana yupashcachu carca.

DEUTERONOMIO 3:5 ပူးပေါင်းရင်းမြစ်များ

NEHEMÍAS 9:25

Muyundita pircashca pueblocunatapish, alli allpacunatapish, tucui allicunata huacaichishca, huasicunatapish japircacunami. Yacuta jundachina jutcucunatapish, uvas chagracunatapish, olivos yuracunatapish, pucuc yuracunatapish japircacunami. Can cuyashcamantami, sacsacta micushpa, huirayashpa can cuyashcamanta cushicushpa causarcacuna.

ESTER 9:19

Chaimantami uchilla llactacunapi tiyac, muyundita mana pircashca uchilla pueblocunapi causac Judá gentecunaca Adar quilla chunga chuscu punzhapi jatun micuita ruhuashpa, ladollapi causaccunaman ima charishcacunata carashpa yallita cushicuncuna.

NÚMEROS 13:28

Shina cacpipish, chai llactapi causaccunaca sinchi runacunami. Chai llacta huasicunapish jatun huasicunami, muyundita pircashcami can. Anacpac huahua huahuacunami chaipica causac cashca.

DEUTERONOMIO 1:28

¿Maimantac rishun? Ñucanchic huauquicunaca: ‘Chai llactapica ñucanchicta atishpa ashtahuan achca, ashtahuan jatun gentecunami tiyan. Llactacunapish muyundita alto jarcashca, shinallatac Anac runapac huahua huahuacunatami chaipica ricumunchic nishpami manchachirca’ ninmi” nircanguichic.

DEUTERONOMIO 3:4

Chashnami, shucllatapish mana saquishpa, tucui llactacunata quichurcanchic. Jatun mandac Og mandana Basán llactapi, Argob llactapi tiyac sucta chunga llactatami tucui japircanchic.

DEUTERONOMIO 3:6

Hesbón llactata mandac Sehonta ruhuashca shinami tucui llactacunapi causac caricunatapish, huarmicunatapish, huahuacunatapish huañuchircanchic.

HEBREOS 11:30

Crishcamantami israelcunaca canchis punzhata Jericó pueblota muyushpa, chai muyundi pircata urmachirca.

1 SAMUEL 6:18

Curi ucuchacunaca filisteocunapac pueblocunata pichca mandaccuna shinallatacmi pichca carca. Muyundi pircashca pueblocuna mashna tiyashca, pirca illac uchilla pueblocuna mashna tiyashca shinallatacmi carca. Mandac Diospac Arcata churashca jatun rumica Bet-semes pueblopi causac Josuepac allpapimi cunancaman tiyacun.