DEUTERONOMIO 3:4 - Dios Rimashcata Quillcashcami

⁴ Chashnami, shucllatapish mana saquishpa, tucui llactacunata quichurcanchic. Jatun mandac Og mandana Basán llactapi, Argob llactapi tiyac sucta chunga llactatami tucui japircanchic.

DEUTERONOMIO 3:4 ပူးပေါင်းရင်းမြစ်များ

1 REYES 4:13

Geberpac churica Galaad llactapi cac Ramot pueblotami mandacurca. Shinallatac Galaad llactapi cac Manasespac churi Jair ruhuachishca pueblocunatapish mandacurcami. Shinallatac Basán llactapi tiyac Argob llactatapish mandacurcami. Chai llactaca muyundita jarcashca sucta chunga jatun pueblocunami carca. Chai pueblopac pungucunaca bronce aldabacunahuanmi carca.

NÚMEROS 21:35

Shina nicpimi, israelcunaca jatun mandac Ogta, paipac churicunandi, paipac gentecunandi shucllatapish mana saquishpa, tucui huañuchirca. Shina huañuchishpami paicunapac llactataca tucui japirca.

DEUTERONOMIO 3:13

Galaad chaupi urcuta, shinallatac jatun Mandac Og mandana Basán llactataca Manasespac chaupi aillumanmi curcani. Argob llactapi, Basán llactapi causaccunataca manchana jatun nishpami cayac carca.

DEUTERONOMIO 3:14

Manasespac churi Jairca tucui Argob llactata japishpami Gesur, Maaca llacta tupanacuicaman japirca. Chashna japishpami, Basantaca paipac quiquin shuti Havot-jairta churarca. Chai llactataca cunancamanmi chashna cayancuna.

DEUTERONOMIO 3:3

Ñucanchicta Mandac Dios Basán llactata mandac Ogtapish, paipac gentecunatapish ñucanchic maquipi churacpimi, shucllatapish mana saquishpa, tucui huañuchircanchic.

DEUTERONOMIO 3:5

Tucui chai llactacunami alto pircacunahuan jarcashca, pungucunapish jatun fierrocunahuan huichcashca carca. Mana pircashca llactacunaca mana yupashcachu carca.

DEUTERONOMIO 4:47

Chashnami paicunapac llactatapish, Basán llactata mandac Ogpac llactatapish japirca. Amorreocunata ishcai mandaccunaca Jordán yacumanta inti llucshina ladoman cac llactacunapimi causarca.

JOSUÉ 12:4

Basán llactataca jatun mandac Ogca refaitacunapuramanta saquirishcami carca. Paica Astarot, Edrei pueblocunapimi causarca.