DEUTERONOMIO 3:24 - Dios Rimashcata Quillcashcami

²⁴ “Mandac Dioslla, canta serviccunaman can jatun cashcata, can poderta charishcata ricuchi callarishcangui. Can shina sumaccunata, jatun mancharinacunata ruhuacca jahua pachapipish, cai pachapipish, ¿pi shuctac Diostac tiyangayari?

DEUTERONOMIO 3:24 ပူးပေါင်းရင်းမြစ်များ

2 SAMUEL 7:22

Chaimanta Mandac Dioslla, canca mai alli nishcami cangui. Ñucanchic ringrihuantac uyashca shina, ¿pi shuctac Diostac tiyanyari?

1 REYES 8:42

Cambac shutitapish, jatun imatapish ruhuaclla Dios cashcatami cantaca yachac chayangacuna. Chashna yachashpami, cai huasipi canta mañac shamunga.

2 CRÓNICAS 6:14

«¡Israelcunata Mandac Dioslla, can Dios shinaca jahua pachapipish, cai pachapipish mana tiyanchu! ¡Canta tucui shunguhuan cazushpa, cambac ñaupapi alli catic, alli serviccunata llaquishpami, can imata nishcatapish pactachingui!

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

SALMOS 106:2

¿Pitac Mandac Dios sumaimanacunata ruhuashcataca huillai pudingayari? ¿Pitac paita tucui alabanacunataca uyachingayari?

SALMOS 145:3

Mandac Diosca jatunmi, tucui mashna alabana Diosmi. Pi mana yachai pudipac Diosmi.

SALMOS 145:6

Pi mana ruhuaipac jatun mancharinacunata can ruhuashcata huillacpica, ñucapish can sumaimana ruhuashcacunataca huillashami.

SALMOS 150:2

¡Jatun mancharinacunata ruhuashcamanta alabaichicyari! ¡Jatun Diostaca pai mai jatun cashcamanta alabaichicyari!

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 71:19

Dioslla, jahua pachaman chayactami cashcata ruhuashcangui. Canmi jatun mancharinacunata ruhuashcangui. ¡Dioslla, can shinaca pi mana tiyanchu!

SALMOS 86:8

Mandac Dioslla, dioscunapurapica can shina Diosca pi mana tiyanchu. Can ruhuashca shinataca pi mana ruhuai pudinchu.

SALMOS 89:6

¿Pitac jahua pachapica can Mandac Dios-huanca chimbapurai pudinyari? Jahua pachapi causaccunapurapica, ¿pitac Mandac Dios shina jatunca tiyangayari?

SALMOS 89:8

Tucuita ruhuac Mandac Dioslla, ¿pitac can shinaca tiyanyari? ¡Canca tucuita mandacmi cangui! Cashcata nic Diosmi cangui.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ÉXODO 8:10

Shina nicpimi Faraonca: —Cayallata mañashpa cui— nirca. Shina nicpimi Moisesca: —Ñucanchicta Mandac Diosca, pai shina pi shuctac mana tiyashcata yachachunca, can nishca shinallatacmi ruhuanga.

ÉXODO 9:14

Cunanca, tucuilaya llaquicunahuanmi cantapish, can churashca mandaccunatapish, tucui cambac llactapi causaccunatapish yallita llaquichigrini. Chaimantami cai pachapica ñuca shina shuctac Dios mana tiyashcata chayangui.

ISAÍAS 40:18

¿Imahuantac Diosta chimbapurai pudinguichic? Mana cashpaca, ¿ima ruhuashcahuantac chimbapurai pudinguichic?

ISAÍAS 40:25

Jucha illac Diosca: «¿Imatatac ñucaman ricchata ruhuai pudinguichic? Mana cashpaca, ¿imahuantac ñucataca chimbapurai pudinguichic?» ninmi.

JEREMÍAS 10:6

¡Mandac Dioslla, can shinaca pi mana tiyanchu! Canllami jatun cangui. Cambac shutica jatun poderyucmi.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.

NÚMEROS 23:23

Jacobopac churi israelcunataca ima brujeriatapish, ima shuctac millaicunatapish mana ruhuai pudinchu. Jacobopac churi israelcunataca: “¡Diosca yalli allitami ruhuashca!” ningacunami.

DEUTERONOMIO 11:2

Mandac Dios cancunata ima shina llaquichishcata yuyarichic. Chaitaca cancunapac huahuacunaca mana yachanchu, mana ricushcachu. Paicunaca Mandac Dios llaquishcatapish, pai poderta charishcatapish, paipac poderhuan llucchishcatapish mana yachanchu.

DEUTERONOMIO 3:23

Chai punzhacunapimi Mandac Diostaca:

DEUTERONOMIO 32:3

Mandac Diospac shutitami alli nisha. ¡Ñucanchic Diosca jatunmi!