DEUTERONOMIO 3:20 - Dios Rimashcata Quillcashcami

²⁰ Mandac Dios cancunaman allpata cushpa, sumac causaita cushca shinallatac cancunapac huauquicunapish Jordán yacumanta chimba ladopi cac llactata japingacaman chaipi saquirichic. Chai quipami ñuca cushca llactaman cutinguichic” nishpami cacharcani.

DEUTERONOMIO 3:20 ပူးပေါင်းရင်းမြစ်များ

NÚMEROS 32:18

Ñucanchicca caishuc israelcuna allpata japingacamanmi huasimanca mana cutishun.

NÚMEROS 32:22

Ña tucui chai allpata caishuc israelcunaman japishca quipaca cutimunguichiclla. Cancuna ruhuashun nishcata Diospac ñaupapipish, israelcunapac ñaupapipish pactachishpaca, ima llaquitapish mana apanguichicchu. Cancuna chashna ruhuacpica, cai allpaca Mandac Diospac ñaupapi cancunapacmi canga.

DEUTERONOMIO 12:9

Chaica, manarac Mandac Dios cushca llactapi samaringapac yaicunguichicchu.

DEUTERONOMIO 3:21

Chai huatallatacmi Josuetaca: “Canta Mandac Dios chai ishcai jatun mandaccunata imata ruhuashcataca quiquin ñahuihuanmi ricurcangui. Chashnallatacmi Mandac Diosca can maita pasana jatun mandaccunatapish ruhuanga.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 22:2

«Cancunaca Mandac Diosta servic Moisés mandashcatapish, shinallatac tucui ñuca mandashpa rimashcatapish tucuitami pactachishcanguichic.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 22:8

Chashna cachacushpaca: —Cancunaca cancunapac carpa huasicunaman, achca charishcacunahuan, achca animalcunahuan, curihuan, cullquihuan, broncehuan, achca churanahuan cutichiclla. Cancunata piñaccunamanta quichushcacunataca cancunapac huauquicunahuan chaupinacunguichic— nirca.

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.