DEUTERONOMIO 3:2 - Dios Rimashcata Quillcashcami

² Chaipimi Mandac Diosca: “Ama manchaichicchu, cambac maquipimi paitapish, paipac gentecunatapish, paipac llactatapish churani. Hesbonpi causac amorreocunata jatun mandac Sehonta ruhuashca shinami paicunatapish ruhuangui” nirca.

DEUTERONOMIO 3:2 ပူးပေါင်းရင်းမြစ်များ

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 43:5

Ñucaca canhuanmi cani. Chaimanta ama manchaichu. Cambac huahuacunataca inti llucshina ladomantapish, inti tigrana ladomantapish tandachishpa pushamushami» ninmi.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

NÚMEROS 21:34

Chaipimi Mandac Diosca Moisestaca: «Ama manchaichu. Ñucami chai jatun mandactaca paipac tucui gentecunandi, paipac tucui llactacunandi cambac maquipi churarcani. Canca paicunataca Hesbonpi causac amorreocunata jatun mandac Sehonta ruhuashca shinallatacmi ruhuangui» nirca.

HECHOS 18:9

Shuc tuta Apunchic Jesús Pabloman muscuipi shina ricurishpaca: «Ama manchaichu, huillailla. Amatac upalla canguichu.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

DEUTERONOMIO 20:3

“Israelcuna caita uyaichic. Cunanmi, cancunata piñaccunahuan macanacungapac ringuichic. Paicunapac ñaupapica ama chucchuichicchu. Ama manchaichicchu, ama manchailla caichicchu, ama manchai shungu caichicchu.

DEUTERONOMIO 3:1

Cutinllatacmi Basán llactaman huichai cutircanchic. Chaipimi Basán llactata jatun mandac Ogca tucui paipac gentecunahuan Edrei llactapi ñucanchic-huan macanacungapac llucshirca.

DEUTERONOMIO 3:11

Manchana jatun gentecunamantaca Basanta mandac Ogllami saquirirca. Paipac camaca fierromi carca. ¿Chai camaca manachu Amón llactapi tiyac Rabá llactapi tiyacun? Chai camaca chuscu metro largo, shuc metro pusac chunga centímetro anchomi carca.

DEUTERONOMIO 3:3

Ñucanchicta Mandac Dios Basán llactata mandac Ogtapish, paipac gentecunatapish ñucanchic maquipi churacpimi, shucllatapish mana saquishpa, tucui huañuchircanchic.

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.