DEUTERONOMIO 3:18 - Dios Rimashcata Quillcashcami

¹⁸ Chai huatacunapica cancunataca: “Mandac Diosmi cai llactacunata curca. Tucui macanacuc runacunaca cancunapac huauqui israelcunapac ñaupata richic.

DEUTERONOMIO 3:18 ပူးပေါင်းရင်းမြစ်များ

GÉNESIS 15:7

Shina chashquishpaca: —Ñucaca canta Mandac Diosmi cani. Ñucami cai allpata canman cungapac caldeocuna causana Ur llactamanta llucchircani— nirca.

SALMOS 136:21

Chai llactacunata israelcunaman cuc Diosta alabaichicyari. ¡Paica huiñaita llaquicmi!

NÚMEROS 33:53

Chai allpapi causaccunataca tucuita llucchishpa cachashpa, chai llactapi cancuna causachunmi curcani.

DEUTERONOMIO 12:1

Ñaupa taitacunata Mandac Dios cushca llactata japishpa, huiñaita causangapacca pai mandashcacunatapish, yachachishcacunatapish cazushpa causanguichic.

DEUTERONOMIO 15:4

Chaimantami Mandac Dios cushca llactapica cancunapurapica huacchacuna mana tiyanga. Ashtahuanpish Mandac Diosmi chai llactapica bendicianga.

DEUTERONOMIO 19:14

Mandac Dios cushca llactapi causacushpaca, ñaupa taitacuna churashca vecinopac linderocunata ama yaicuringuichu.

DEUTERONOMIO 19:2

Mandac Dios cushca llactata cancunaman cucpica, quimsa llactacunata chicanyachinguichic.

DEUTERONOMIO 19:7

Chaimantami cancunataca quimsa llactacunata chicanyachichun mandani.

DEUTERONOMIO 21:1

Mandac Dios cancunaman cushca llactapi shuc huañushca tiyacpi, cutin paita maijan huañuchishca mana yacharicpica,

DEUTERONOMIO 25:19

Chaimantami Mandac Dios cancunaman cushca llactapi causacucpica, cancunata piñac tucui muyundi llactacuna llaquichinamanta cuidanga. Chashna cacpimi, samaringuichic. Mandac Dios cushca llactapi causacushpaca, Amalecpac shutitaca tucui cai pachamanta chingachinguichic. Amatac chashna ruhuanataca cungaringuichicchu.

DEUTERONOMIO 5:31

canca caipi ñucahuan saquiri. Ñucami tucui mandashcacunatapish, pactachinacunatapish, yachachishcacunatapish yachachigrini. Caitaca paicuna ñuca cushca llactata japishpa, chaipi causashpa cazuchunmi yachachina cangui” nirca.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

DEUTERONOMIO 9:6

Mandac Diosca, mana cancuna alli cashcamantachu, cai sumac llactataca cun. Ashtahuanpish cancunaca sinchi shungumi canguichic. Chaitaca yachanami canguichic.

JOSUÉ 1:11

«Carpa huasicunaman rishpaca: “Quimsa punzha quipaca ñucanchicta Mandac Dios cusha nishca llactaman yaicungapacmi Jordán yacuta pasagrinchic. Chaimanta micunata allichichic” nigrichic» nirca.