DEUTERONOMIO 29:6 - Dios Rimashcata Quillcashcami

⁶ Tandatapish mana micurcanguichicchu, llullu vinotapish, pucushca vinotapish mana ubiarcanguichicchu. Ñucaca Mandac Dios cashcata yachachunmi chashna pushamurcani.

DEUTERONOMIO 29:6 ပူးပေါင်းရင်းမြစ်များ

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

ÉXODO 16:12

—Ñucaca israelcuna rimarishcata uyarcanimi. Chaimanta paicunataca: “Cunan chishica aichata, tutamantaca tandatami huicsa pactata micunguichic. Chashnami ñucataca cancunata Mandac Dios cashcata yachanguichic” ninmi ningui— nirca.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

NÚMEROS 16:14

Canca lechepish, mishquipish tiyac llactamanca manarac chayachishcanguichu. Allpatapish, uvas chagratapish manarac cushcanguichu. Ñucanchictaca, ¿ñahuitachu surcusha ningui? ¡Ñucanchicca mana rishunchu!— nirca.

NÚMEROS 20:8

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

1 CORINTIOS 9:25

Callpangapac allichiriccunaca chingariclla coronata japingapacmi allichirincuna. Ñucanchiccarin mana chingaric coronata japingapacmi, chashna allichiricunchic.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

DEUTERONOMIO 2:33

Shina cacpipish, ñucanchicta Mandac Diosmi paicunataca ñucanchic maquipi churarca. Chaimantami chai jatun mandactapish, paipac churicunatapish, tucui gentecunatapish tucui huañuchircanchic.

DEUTERONOMIO 29:7

Chashnami cai llactaman chayamurcanchic. Hesbón llactata jatun mandac Sehonpish, Basán llactata jatun mandac Ogpish ñucanchic-huan macanacungapac llucshircami. Shina cacpipish atircanchicmi.

DEUTERONOMIO 3:3

Ñucanchicta Mandac Dios Basán llactata mandac Ogtapish, paipac gentecunatapish ñucanchic maquipi churacpimi, shucllatapish mana saquishpa, tucui huañuchircanchic.

DEUTERONOMIO 3:6

Hesbón llactata mandac Sehonta ruhuashca shinami tucui llactacunapi causac caricunatapish, huarmicunatapish, huahuacunatapish huañuchircanchic.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.