DEUTERONOMIO 29:5 - Dios Rimashcata Quillcashcami

⁵ Ñucaca chuscu chunga huatatami shitashca pambataca cancunata pushamurcani. Chai huatacunaca cancunapac churanapish mana maucayarcachu, ushutapish mana tucurircachu.

DEUTERONOMIO 29:5 ပူးပေါင်းရင်းမြစ်များ

NEHEMÍAS 9:21

Canca shitashca pambapi, chuscu chunga huatata cacpipish cuidarcanguimi. Imapish mana illarcachu, paicunapac churanacunapish, mana maucayarcachu. Chaquicunapish mana punguillircachu.

SALMOS 78:24

Chashna ruhuashca jahuapish paicuna micuchunca maná shuti micunatami tamyachirca. Chashnami jahua pachamanta micunata cararca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ÉXODO 7:7

Faraonhuan parlanacui punzhapica Moisesca pusac chunga huatata, cutin Aaronca pusac chunga quimsa huatatami charirca.

NÚMEROS 14:33

Cancunapac huahuacunaca chuscu chunga huatatami cai shitashca pambapica michishpa puringa. Paicunami cancuna millaita ruhuashcamantaca cai shitashca pambapi cancuna huañushpa tucuringacaman llaquita apanga.

SAN MATEO 10:10

cucayu mochilatapish, yanandi churanatapish, ushutatapish, taunatapish ama apanguichicchu. Maipipish imata ruhuacca, japinata charinmi.

DEUTERONOMIO 1:3

Egiptomanta llucshishca chuscu chunga huata, chunga shuc quilla, punta punzhapimi Moisesca israelcuna imata ruhuana cashcata Mandac Dios mandashca shinallatac huillarca.

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.

DEUTERONOMIO 8:4

Cancuna chuscu chunga huatata puricucpica, churanapish mana maucayarcachu. Chaquipish mana punguircachu.

JOSUÉ 9:13

Shinallatac vino churana capachupish ñucanchic vinota churacucpica, mushucmi carca. Riquichic, cunanca payayashpami ña lliquirishca. Cai ñucanchic churanacunapish, ushutacunapish yalli caruta purishcamantami payayashca— nircacuna.

JOSUÉ 9:5

shinallatac paicunamanpish paya remendashca ushutata churachishpa, paya churanacunata churachishpa cacharca. Ñanpi micuna tandatapish chaquishca verdiyashcatami aparcacuna.