DEUTERONOMIO 29:4 - Dios Rimashcata Quillcashcami

⁴ Chashna cacpipish, Mandac Diosca cunancamanmi chaicunata entendichunca yuyaitapish, ñahuitapish, ringritapish mana cushca.

DEUTERONOMIO 29:4 ပူးပေါင်းရင်းမြစ်များ

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

PROVERBIOS 20:12

Mandac Diosca ñahuitaca ricuchun, ringritaca uyachunmi ishcaitatac ruhuashca.

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

EZEQUIEL 12:2

«Huañunalla runa, canca mana cazuccunapac chaupipimi causacungui. Paicunaca mana cazuccuna cashpami, ñahuita charishpapish mana ricun, ringrita charishpapish mana uyan.

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

SAN JUAN 8:43

¿Ima nishpatac ñuca rimashcataca mana entendinguichic? Ñuca rimashcata mana uyashun nishpami, mana entendinguichic.

2 CORINTIOS 3:15

Cunan punzhacamanmi Moisés mandashcacunata quillca caticucpipish, paicunapac yuyaitaca chai pañoca jarcacunrac.

EFESIOS 4:18

Paicunaca amsa yuyaillata charishpami, mana alli yuyaita japincuna. Diosmanta shamuc mushuc causaitaca, yuyai illac rumi shungu cashcamantami mana chasquincuna.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.