DEUTERONOMIO 28:8 - Dios Rimashcata Quillcashcami

⁸ Mandac Diosca cancunapac grano huacaichinatapish bendiciangami. Tucui cancunapac trabajashcami pai cushca llactapica bendiciashca canga.

DEUTERONOMIO 28:8 ပူးပေါင်းရင်းမြစ်များ

2 REYES 6:27

Shina caparicpi jatun mandacca: —Mandac Diospish llaquishpa mana ayudacpica, ¿ñucacarin ima shinatac ayudashayari? ¿Trillana eramanta, mana cashpaca, uvas cutanamantachu cusha?— nirca.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 128:2

Quiquin maquihuan trabajashcata micushpaca cushicunguimi. Alli causaitapish charinguimi.

SALMOS 133:3

Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.

SALMOS 144:13

Ñucanchic taquicunapish tucuilaya granocunahuan junda cachun. Ñucanchic animalcunapish michina pambapi huaranga huarangata mirachun.

SALMOS 42:8

Punzhapica Mandac Diosmi llaquic cashcata ricuchinga. Tutaca ñucami paita alli nisha. Ñucaman causaita cuc Diostaca mañacunillami.

SALMOS 44:4

Ñuca Dioslla, canca ñuca Jatun Mandacmi cangui. Jacobopac huahuacunata quishpichiyari.

LEVÍTICO 25:21

Ñucaca suctaniqui huatapi tarpushca chagratami ashtahuan alli pucuchisha. Chaimantami quimsa huatapac micunata charinguichic.

LEVÍTICO 26:10

Cancunaca ñaupa huatacuna huacaichishca granotami micunguichic. Mauca granota llucchishpami mushuc granota huacaichinguichic.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

SAN MATEO 13:30

Trigota cosechana punzhacaman huiñachun saquichiclla. Chai punzhami trigota piticcunataca: ‘Chai mana alli quihuata pitishpa, rupachingapac huataichic. Ashtahuanpish trigotaca grano huacaichinapi huacaichichic’ nishpa mandashallami” nirca» nirca.

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

SAN LUCAS 12:18

Chashna yuyaricushpami: “Caitami ruhuasha: Cai grano huacaichina huasicunata pascashpami, ashtahuan jatunta shayachisha. Chaipimi granotapish, tucui charishcacunatapish huacaichisha.

DEUTERONOMIO 14:29

Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.

DEUTERONOMIO 15:10

Tucui mañashcata ama nanarishpa cunguichiclla. Chashna alli shunguhuan mañachicpimi, Mandac Diosca cancuna imata ruhuacpipish bendicianga.

DEUTERONOMIO 15:4

Chaimantami Mandac Dios cushca llactapica cancunapurapica huacchacuna mana tiyanga. Ashtahuanpish Mandac Diosmi chai llactapica bendicianga.

DEUTERONOMIO 28:20

Mandac Diosmi tucui cancunapac maquihuan ruhuashcacunataca maldicianga. Chaimantami manchaitapish, llaquicunatapish cachanga. Cashnami mana allita ruhuashpa, Diosmanta caruyashcamantaca tucui cancuna tucuringacaman llaquihuan canguichic.

DEUTERONOMIO 28:7

Cancunata piñaccuna jatarishpa, cancunata llaquichingapac jataricpica, Mandac Dios ayudacpimi, cancunaca mishanguichic. Cancunata macangapacca shuclla ñantami shamungacuna, ashtahuanpish cancunapac ñaupamantaca canchis ñantami callpangacuna.