DEUTERONOMIO 28:56 - Dios Rimashcata Quillcashcami

⁵⁶ Chai punzhacunapica cancunapuramanta cuyanacushpa sumacta causac, jaicapi mana lluchu chaquilla allpapi saruc, cuyac huarmipish paipac cuyana cusata, cuyana cari huahuata, huarmi huahuata piña ñahuihuan ricungami.

DEUTERONOMIO 28:56 ပူးပေါင်းရင်းမြစ်များ

ISAÍAS 3:16

Shinallatac Mandac Diosca: «Sionpi causac huarmicunaca jatun tucushpa, caricunahuan ñahuita quimllanacushpa purincuna. Purishpapish chaquita tacashpa, chaqui huallcacunata cuyuchishpami purincuna.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

JEREMÍAS 6:2

Sumaimana Sión llactataca tucuchigrinimi.

LAMENTACIONES 4:10

Llactata tucuchicpica, llaquic huarmicunapish quiquin huahuatami yanushpa micurca.

SAN MATEO 11:8

Mana cashpaca, ¿imatatac ricungapac rircanguichic? ¿Shuc alli churanata churarishca runatachu ricugrircanguichic? Alli churanata churarishcaca chayuccunahuanmi cushicushpa, jatun mandaccunapac huasicunapi causan.

DEUTERONOMIO 28:54

Chaimantami cancunapuramanta cuyanacushpa sumacta causac runapish paipac huauquita, huarmita, saquirishca churita piñailla ricunga.

DEUTERONOMIO 28:55

Chaica, paipac churipac aichata mana convidangaraicu piñalla ricunga. Paicunata piñaccuna tucui llactacunata muyushpa charicucpi, imapish mana tiyacpi, manchaihuanpish, llaquihuanpish causacushpami canga.