DEUTERONOMIO 28:54 - Dios Rimashcata Quillcashcami

⁵⁴ Chaimantami cancunapuramanta cuyanacushpa sumacta causac runapish paipac huauquita, huarmita, saquirishca churita piñailla ricunga.

DEUTERONOMIO 28:54 ပူးပေါင်းရင်းမြစ်များ

2 SAMUEL 12:3

Cutin caishuc huaccha runaca shuclla ovejatami randishpa huiñachirca. Chai ovejaca paihuan, paipac huahuacunahuanmi huiñacurca. Chaimantami chai platollamantatac micushpa, chai vasollamantatac ubiashpa, paipac rigrallapitac sueñushpa huiñacurca. Chai ovejaca chai runamanca shuc ushi shinami carca.

SALMOS 103:13

Mandac Diosca shuc taita paipac huahuacunata llaquic shinami, paita manchaccunataca llaquin.

PROVERBIOS 23:6

Ama misa runahuan micungapac tiyaringuichu. Chai sumaimana micunata ama munanguichu.

PROVERBIOS 28:22

Misa runaca utca chayucyanallatami munashpa causan. Ashtahuanpish huaccha tucunataca mana yachanchu.

ISAÍAS 49:15

Chaimantami Mandac Diosca: «¿Shuc mamaca paipac huahuata cungaringachu? ¿Paipac huicsapi huiñashca huahuataca piñangachu? Chai mama cungaricpipish, ñucaca cantaca manatac cungarishachu.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

SAN MATEO 11:8

Mana cashpaca, ¿imatatac ricungapac rircanguichic? ¿Shuc alli churanata churarishca runatachu ricugrircanguichic? Alli churanata churarishcaca chayuccunahuanmi cushicushpa, jatun mandaccunapac huasicunapi causan.

SAN MATEO 20:15

Ñuca cullquihuanca, imata ruhuasha nishpapish ruhuashallami. ¿Chashna allita ruhuacpichu envidiahuan piñaringui?” nirca.

DEUTERONOMIO 13:6

Cancunapac huauqui, cancunapac churi, cancunapac ushi, cancunapac cuyashca huarmi, mana cashpaca, cancunapac mai ricsishca: “Canpish, cambac taitacunapish mana ricsishca shuctac dioscunata,

DEUTERONOMIO 15:9

Cancunapac shungupica ama millai munaicunahuan: “Mañachishcata perdonana huata chayamucunmi” nishpa cancunapac huaccha huauquiman mana mañachingaraicu ama piña ñahuihuan ricunguichicchu. Chai huacchaca Mandac Diosta caparishpa mañangami. Chashna caparicpica, cancunami juchata aparinguichic.

DEUTERONOMIO 28:53

Cancunata piñaccuna muyundita shayacucpi, yalli yarcaihuan cashpami Mandac Dios cushca quiquin churicunacaman, ushicunacaman micunguichic.

DEUTERONOMIO 28:55

Chaica, paipac churipac aichata mana convidangaraicu piñalla ricunga. Paicunata piñaccuna tucui llactacunata muyushpa charicucpi, imapish mana tiyacpi, manchaihuanpish, llaquihuanpish causacushpami canga.