DEUTERONOMIO 28:53 - Dios Rimashcata Quillcashcami

⁵³ Cancunata piñaccuna muyundita shayacucpi, yalli yarcaihuan cashpami Mandac Dios cushca quiquin churicunacaman, ushicunacaman micunguichic.

DEUTERONOMIO 28:53 ပူးပေါင်းရင်းမြစ်များ

JEREMÍAS 19:9

Chaipi causaccunamanca paicunapac churicunapac, ushicunapac aichallatatacmi carasha. Paicunata piñashpa huañuchinata munac runacuna shamushpa, chai llacta muyundita shayaricpimi, imata mana ruhuai pudishpa, paicunahuan apanacuccunallatatac micunga” nirca.

LAMENTACIONES 2:20

Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

LAMENTACIONES 4:10

Llactata tucuchicpica, llaquic huarmicunapish quiquin huahuatami yanushpa micurca.

EZEQUIEL 5:10

Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

LEVÍTICO 26:29

Shina ruhuacpica, cancunapac churicunata, ushicunatami micunguichic.

SAN MATEO 24:19

¡Chai punzhacunapi huicsayuc huarmicunalla, chuchucuc huahuayuc huarmicunalla, imachari tucunguichic!

DEUTERONOMIO 28:18

Cancunapac huahuacunapish, allpapi pucushcapish, ovejacuna mirashcapish, vacacuna mirashcapish mana alli nishcami canga.

DEUTERONOMIO 28:54

Chaimantami cancunapuramanta cuyanacushpa sumacta causac runapish paipac huauquita, huarmita, saquirishca churita piñailla ricunga.

DEUTERONOMIO 28:55

Chaica, paipac churipac aichata mana convidangaraicu piñalla ricunga. Paicunata piñaccuna tucui llactacunata muyushpa charicucpi, imapish mana tiyacpi, manchaihuanpish, llaquihuanpish causacushpami canga.

DEUTERONOMIO 28:57

Cancunapac llactacunata piñaccuna muyushpa llaquichicpi, ima micuna mana tiyacpimi, sajuarishca huahuatapish, catictapish pacalla micunga.