DEUTERONOMIO 28:4 - Dios Rimashcata Quillcashcami

⁴ Cancunapac huahuacunapish, cancunapac allpapi pucushcapish, vacacuna mirashcapish, ovejacuna mirashcapish, tucui animalcuna mirashcapish, Mandac Dios bendiciashcami canga.

DEUTERONOMIO 28:4 ပူးပေါင်းရင်းမြစ်များ

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 39:5

Potifar paipac huasitapish, tucui charishcacunatapish Joseman cushca punzhamanta pachami Mandac Dios Egiptomanta mandacpac huasitaca Josemanta bendiciarca. Chashnami huasipipish, pambapipish tucui pai imalla charishcacunata Mandac Diosca bendiciarca.

GÉNESIS 49:25

Cambac taitapac Diosca ayudangami. Imatapish ruhuaclla Diosmi jahua pachamanta tamyachishpa, mama cuchamanta yacu cachashpa, achca huahuacunayucta ruhuashpa bendicianga.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

SALMOS 128:3

Cambac huarmipish huasi ladopi tiyac cargashca uvas yura shinami canga. Churicunaca olivos yuracuna retoñac shinami miza muyundipi cangacuna.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

PROVERBIOS 20:7

Mana pandarishpa alli causacca cashcata ruhuac runami. Paipac churicunaca pai shina causashpami cushicun.

LEVÍTICO 26:9

Ñucaca cancunata ayudangapac cutimushpami achcata mirachishpa, ñuca ari nishcatapish cancunahuan pactachisha.

DEUTERONOMIO 28:11

Mandac Diosmi huahuacunatapish, animalcunatapish, chagracunatapish cancunapac taitacunaman cungapac ari nishca allpapica achcata bendicianga.

DEUTERONOMIO 28:18

Cancunapac huahuacunapish, allpapi pucushcapish, ovejacuna mirashcapish, vacacuna mirashcapish mana alli nishcami canga.

DEUTERONOMIO 28:3

Cancunaca pueblopipish, campopipish bendiciashcami canguichic.

DEUTERONOMIO 28:5

Cancunapac grano tandana canashtapish, tanda ruhuana bateapish Mandac Dios bendiciashcami canga.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.