DEUTERONOMIO 28:20 - Dios Rimashcata Quillcashcami

²⁰ Mandac Diosmi tucui cancunapac maquihuan ruhuashcacunataca maldicianga. Chaimantami manchaitapish, llaquicunatapish cachanga. Cashnami mana allita ruhuashpa, Diosmanta caruyashcamantaca tucui cancuna tucuringacaman llaquihuan canguichic.

DEUTERONOMIO 28:20 ပူးပေါင်းရင်းမြစ်များ

JOB 24:18

Jatun yacupi puscu callpac shinami miticuncuna. Paicuna charishca allpacunapish mana alli nishcami canga. Paicunapac uvas chagrapica pi mana puringacunachu.

SALMOS 7:11

Diosca cashcata ruhuac juezmi. Mana allita ruhuaccunataca punzhantami piñacunlla.

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

ISAÍAS 66:15

Mandac Diosca yallita piñarishpa, ninahuan jarcashpa yallita llaquichingapacmi rupacuc nina chaupipi, jatun acapana huaira shina, callpac carretacunahuan shamunga.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

LEVÍTICO 26:38

Cancunapura macanacushpami tucuringuichic. Cancunata piñac llactacunami cancunataca tucuchinga.

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

DEUTERONOMIO 28:8

Mandac Diosca cancunapac grano huacaichinatapish bendiciangami. Tucui cancunapac trabajashcami pai cushca llactapica bendiciashca canga.

DEUTERONOMIO 4:26

Chaimantami cunanca tucurinata ricuchichunmi jahua pachatapish, cai pachatapish churani. Jordán yacuta pasashpa, chai llactapi causacushpa, utca tucurina cashcata ricuchichunmi churani. Mana unaitachu chai llactapica causanguichic.

1 TESALONICENSES 2:16

Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JUECES 2:15

Mandac Dios nishca shinami, paicuna maiman ricpipish Mandac Diosca paipac maquihuan llaquichicurca. Mandac Dios pactachingapac ari nishca shinami israelcunaca mai llaquita apacurca.

1 SAMUEL 14:20

Saulca paipac tucui soldadocunata tandachishpami, macanacungapac rirca. Filisteocunaca yuyai illac tucushpami, paicunapura espadahuan huañunacurca.